Umhverfis- og skipulagsnefnd

Bæjarráð vísaði málstefnunni til umsagnar í nefndum og ráðum sveitarfélagsins.

Áramótin 2023-2024 tekur lagabreyting gildi sbr. III kafli breytingarlaga nr. 74/2022, sem hefur þau áhrif að ferill mun breytast við skráningu og mælingu merkja fasteigna. Eftir lagabreytingu mega þeir einir sem hafa leyfi ráðherra sem merkjalýsendur, mæla eignamörk og gera merkjalýsingar, en merkjalýsing er skjal sem tekur við af lóðauppdrætti eins og skilað hefur verið inn með skráningu fasteigna hingað til. Kröfur og efni merkjalýsinga eru meiri en almennt gilda nú til lóða-/mæliblaða og er lýst í nýrri reglugerð um merki fasteigna, sem er samráðsgátt.

Bent er á hættulegar aðstæður fyrir gangandi vegfarendur þar sem göngustígur mætir Kirkjubraut mill húsa nr. 7 og 9. Engin aðvörun, þrenging, gangbraut eða gangstétt tekur á móti gangandi/hjólandi þegar stígurinn kemur út að götunni. Steyptur kantur er á lóðarmörkum þannig að það skyggir á börn sem koma gangandi eða hjólandi í átt að götunni.

Erindi dagsett 29. nóvember 2023 þar sem óskað er eftir leyfi f.h. Iceguide og lóðarhafa til að rífa Heppuveg 9 og byggja þar upp nýtt gistihús með 28 herbergjum. Gert er ráð fyrir að byggingin verði um 800 m2 og yrði á tveimur hæðum.Erindið var tekið fyrir á fundi umhverfis- og skipulagsnefndar þann 6. desember 2023 þar sem óskað var eftir frekari upplýsingum sem nú liggja fyrir.

Deiliskipulag Hafnarvík Heppa - endurskoðun lóðarmarka

Hótel Jökull ehf. lóðarhafi lóðar Hótel Jökull óskar eftir stækkun á lóð í samræmi við innsend gögn.

Breytingar á lóð Fiskóls 11 voru grenndarkynntar skv. 2. mgr. 43. gr. skipulagslaga nr. 123/2010 frá 11. október með athugasemdarfresti til 8. nóvember 2023.Nokkrar breytingar hafa orðið á skipulagi vegna frekari hönnunar og er því lagður fram nýr uppdráttur.Breytingar frá grenndarkynntum gögnum:Lóð stækkar úr 1.921,4 í 2.028.9 m2.Byggingarreitur breytist.Bílastæði taka breytingum, þeim fækkar úr 13 í 10, eitt þeirra verður fyrir hreyfihamlaða.Hámarks byggingarmagn eykst um 20 m2

Erindin dagsett 27. október 2023 þar sem Vigfús Halldórsson sækir um heimild til að leggja fram deiliskipulag fyrir hluta lóðar Smyrlabjarga með það að markmiði að fjölga starfsmannahúsum.Á fundi umhverfis- og skipulagsnefndar þann 1. nóvember 2023 var farið framá að allt bæjarhlaðið yrði deiliskipulagt og sett fram heildarmynd af svæðinu.

Erindi dagsett 24. október 2023 þar sem Glacier Adventure sækir um f.h. 12 fyrirtækja, framkvæmdarleyfi til að lengja vegslóða inn í Þröng sem nemur rúmum 966 m.Grenndarkynning framkvæmdarleyfis fór fram gegnum skipulagsgátt með athugasemdarfresti frá 6. nóvember til 6. desember. Óskað var eftir umsögn Skipulagsstofnunar og Umhverfisstofnunar. Skipulagsstofnun telur fyrirhugaða slóðagerð ekki falla undir lög nr. 111/2021.Umsögn frá UST hefur ekki borist.

Kynnt er fram nýtt fyrirkomulag lausra lóða á kortasjánni sveitarfélagsins https://www.map.is/hofn/ . Áhugasamir geta nú m.a. sótt lóðarblöð beint úr kortasjánni eða skoðað gildandi skipulagsskilmála.

Verið er að vinna húsnæðisáætlun sveitarfélagsins 2024. Farið yfir stöðu vinnunnar.

Helgi Ragnarsson eigandi Laxárbakka L159504 óskar eftir stofnun nýrrar landeignar. Um er að ræða 576 fm lóð samkvæmt meðfylgjandi uppdrætti. Ekki er til gildandi deiliskipulag fyrir svæði, en skv. aðalskipulagi er um landbúnaðarsvæði að ræða.