76. fundur

20. mars 2024 kl. 16:00 - 16:45

í ráðhúsi

Nefndarmenn

Gunnlaugur Róbertsson formaður

Eyrún Fríða Árnadóttir varaformaður

Þröstur Jóhannsson aðalmaður

Helga Árnadóttir aðalmaður

Ásgerður Kristín Gylfadóttir aðalmaður

Stefán Birgir Bjarnason Fulltrúi ungmennaráðs

Starfsmenn

Bartek Andresson Kass byggingarfulltrúi

Fundargerð ritaði:

Bartek Andresson Kass byggingarfulltrúi

Dagskrá

1.

Smyrlabjörg - Deiliskipulag

Málsnúmer 202310146

Deiliskipulag Smyrlabjarga var tekið fyrir á fundi umhverfis- og skipulagsnefndar eftir auglýsingu þann 6. mars 2024. Umsögn Minjastofnunar barst 4. mars en var ekki færð inn í fundargáttina. Málið er því tekið fyrir á ný og umsögnin lögð fram.

Umhverfis- og skipulagsnefnd frestar afgreiðslu málsins þar til skráningu fornleifa innan svæðisins er lokið og ný umsögn Minjastofnunar liggur fyrir.

2.

Skriða - Breyting á aðalskipulagi

Málsnúmer 202401096

Sótt er um breytingu aðalskipulags í landi Skriðu vegna fyrirhugaðrar uppbyggingar vegahótels, hótels og spa, smáhýsa og starfsmannaaðstöðu.

Umhverfis- og skipulagsnefnd frestar málinu. Starfsmanni falið að boða umsækjendur á fund.

3.

Breyting á aðalskipulagi - stækkun miðsvæðis á Höfn

Málsnúmer 202208036

Lögð er fram breyting á Aðalskipulagi Sveitarfélagsins Hornafjarðar 2012-2030 þar sem miðsvæði Hafnar er stækkað sem nemur lóð Álaugarvegi 2 og athafnasvæði minnkar að sama skapi. Stofnvegur tekur breytingum í samræmi við deiliskipulagstillögu svæðisins sem auglýst verður samhliða.

Umhverfis- og skipulagsnefnd samþykkir að kynna tillöguna í samræmi við 2. mgr. 30. gr. skipulagslaga og leggur til við bæjarstjórn að tillagan verði afgreidd í samræmi við 3. mgr. 30. gr. sömu laga.

4.

Deiliskipulag - Víkurbraut 1

Málsnúmer 202201107

Lögð fram tillaga að deiliskipulagi fyrir Miðsvæði: Víkurbraut 1 og 5, Álaugarveg 2 og Heppuveg 5 og 7. Samhliða eru lagðar fram breytingar á skipulagsmörkum aðliggjandi svæða.

Umhverfis- og skipulagsnefnd samþykkir að kynna tillöguna í samræmi við 4. mgr. 40. gr. skipulagslaga. Málinu vísað til afgreiðslu bæjarstjórnar.

5.

Leiðarhöfði - Deiliskipulag

Málsnúmer 202205086

Tillaga að deiliskipulagi Leiðarhöfða var auglýst frá 24. janúar með athugasemdarfresti til 6. mars 2024.Umsagnir bárust frá Umhverfisstofnun, Náttúrustofu Suðausturlands, Minjastofnun Íslands og Náttúrufræðistofnu Íslands.

Starfsmanni falið að vinna áfram í málinu í samræmi við umræður á fundinum.