Ungmennaráð Hornafjarðar

Stefnt er að því að halda skuggakosningar samhliða sveitarstjórnakosningunum 26. maí. Kosningarnar eru fyrir nemendur sem eru fæddir eftir 26. maí 2000 til og með nemendum í 7. bekk fæddum 2005. Hugmyndin er að vera á öllum kjörstöðum sem opnir eru í sveitarstjórnarkosningunum. Kosningu ungmennanna lýkur kl. 20:00 á kjördag og verða úrslit kosninganna kynnt eftir kl. 22:00 um kvöldið. Til að halda daginn hátíðlegan fyrir nemendur verður boðið upp á ball um kvöldið þar sem m.a. er beðið eftir úrslitunum. Tilgangur kosninganna er að auka lýðræðisþátttöku ungs fólks og áhuga þeirra á málefnum sveitarfélagsins. Undirbúningur er þegar hafinn.

Tveir fulltrúar ungmennaráðs tóku þátt í ráðstefnu um ungt fólk og lýðræði á vegum UMFÍ 21. - 23. mars sl. Ráðstefnan var haldin í Grafningshreppi þar sem 80 ungmenni komu saman og ræddu málin. Þau sendu frá sér bókun/ályktun þar sem fram koma helstu málin sem þeim finnst að þurfi endurskoðunar við og helst breytingar. Ungmenni eru þegnar samfélagsins og á þau á að hlusta.