Ungmennaráð Hornafjarðar

Mikill spenningur er vegna fyrirhugaðs ungmennaþings sem haldið verður 29.október. Fullrúar ungmennaráðs hafa öll sem eitt verkefni sem þau sjá um í sambandi við ungmennaþingið og er búið að setja niður vinnu fyrir alla. Þar sem kosið verður um nýja fulltrúa grunnskólans í ungmennaráð á þinginu voru nöfn þeirra sem bjóða sig fram gefin upp á fundinum. Vonast er til fjörugrar kosningabaráttu og eru þetta allt flottir kandidatar sem bjóða sig fram.

Málstofur á ungmennaþinginu verða fjórar. Fulltrúum ungmennaráðs ásamt tveimur fulltrúum nemendaráðs FAS var skipt niður til að sjá um málstofurnar. Í einni málstofunni verður einnig fyrirlesari og gestur ungmennaþingsins því hann veit manna best svörin við efni fyrirlestrarins. Allt ætti því að vera að mestu leiti klárt fyrir viðburðinn.