Ungmennaráð Hornafjarðar

Nýjum fulltrúum ungmennaráðs kynnt stjórnsýsla félagsins. Kynning á fundargáttinni frestað til síðar.

Nýjum fulltrúum ungmennaráðs kynnt Erindisbréf ungmennaráðs Hornafjarðar ásamt þeim gildum og reglum sem ungmennaráð vinnur eftir.

Fulltrúar ungmennaráðs kusu sér formann og varaformann ungmennaráðs. Sigríður Þ. Þorvarðardóttir var kosinn formaður og Íris Mist Björnsdóttir varaformaður. Ákveðið var í framhaldinu að fundir ungmennaráðs yrðu annan miðvikudag í mánuði kl. 16:00.

Ungmennaráð fór yfir vinnuferli nýafstaðins ungmennaþings. Fulltrúar voru að mestu leiti ánægðir með þingið en alltaf er hægt að bæta það sem gott er. Rætt var hvort þyrfti að breyta skipulaginu fyrir næsta þing og verður það tekið fyrir síðar. Niðurstöður úr málstofum liggja ekki fyrir en ákveðið var að halda vinnufund og útbúa skýrslu sem leggja þarf fram á fundi þann 29.nóvember nk.

Ungmennahús var til umræðu og þá helst hvernig væri hægt að hvetja ungmenni á aldrinum sextán til tuttuguogfjögurra ára að nýta sér aðstöðuna. Það virðist brenna við að ungmennin viti ekki af þessum möguleika að geta nýtt sér húsnæði Þrykkjunnar á þriðjudags- og fimmtudagskvöldum. Ungmennaráð impraði á tveimur viðburðum sem hugur er til að halda í ungmennahúsi til að fá ungmennin þangað inn. Þessir viðburðir verða auglýstir síðar. Fyrirspurn um breytingu á tíma ungmennahúss frá fimmtudagskvöldi yfir á föstudagskvöld var hafnað á fundinum.