Ungmennaráð Hornafjarðar

Ungmennaráð stendur fyrir ungmennaþingi í september n.k. Undirbúningur er hafinn við að finna fyrirlesara og koma með hugmyndir af málstofum. Vinnan gengur vel og hlökkum við til að halda þetta ungmennaþing sem verður með öðru sniði en síðustu ár.

Ungmennaráð hafði hug á að senda 2-4 fulltrúa á vinnustofu Youth summit 2019 í Sønderborg í Danmörku dagana 5.-8. ágúst 2019. Því miður verður ekkert af fyrihugaðri ferð til Danmerkur vegna ýmissa ástæðna.

Ungmennaráð telur að gott yrði að yngja upp í jafningjafræðara hópnum hér á Höfn. Starfsmanni falið að tala við verkefnastjóra félagslífs í FAS til að vinna saman að því að fá námskeið hér í haust hvort sem það yrði frá einstaklingum á Höfn eða kannaður möguleiki á leiðbeinendum frá Hinu húsinu.

Humarhátíðarnefnd hefur beðið ungmennaráð að setja saman leikjadagskrá líkt og þau gerðu í fyrra á Humarhátíð. Ungmennaráð þakkar Humarhátíðarnefndinni fyrir boðið og að sjálfsögðu tökum við þátt með eitthvað húllumhæ.

Unicef á Íslandi hafa sent ákall á öll 72 sveitarfélög landsins þar sem þeir biðja um skýra viðbragðsáætlun um ofbeldi gegn börnum. Rúmlega 60 sveitarfélög hafa ekki svarað kallinu. Ungmennaráð hvetur Sveitarfélagið Hornafjörð til að svara kalli Unicef hið fyrsta ef þeir hafi ekki þegar gert það.

Ekki var mikið rætt undir liðnum önnur mál ungmennaráðs. Þó skapaðist nokkur umræða um fyrirhugaðar forsetakosningar næsta ár ef einhverjir kandidatar bjóða sig fram gegn sitjandi forseta. Það kallar á skuggakosningar ungmennaráðs... :)