Ungmennaráð Hornafjarðar

Ingunn formaður Ungmennaráðs kynnti fyrir nýju ráði fyrirhugaða könnun Ungmennaráðs á orkudrykkjaneyslu ungmenna á Höfn. Það sem þessi könnun hefur umfram aðrar þá er könnunin fyrir 10 ára til 25 ára aldurs. Einnig er þar leitast við að fá svör hverjir kaupa inn orkudrykkina t.a.m. fyrir yngri börnin. Vegna Covid mun Ungmennaráð leitast við að fá umsjónarkennara til að leggja könnunina fyrir í sínum bekkjum þar sem hægt er að koma því við en könnunin er einungis rafræn.

Starfsmaður Ungmennaráðs kynnti fyrir nýjum fulltrúum verkefnið Barnvænt sveitarfélag. Lagði einnig til að fulltrúar skoði gátlistana sem þarf að fylla út fyrir mælaborð verkefnisins. Óskað var eftir þriðja fulltrúa Ungmennaráðs í stýrihóp Barnvæns sveitarfélags og bættist Íris Mist Björnsdóttir við hópinn :)Hægt er að kynna sér Barnvæn sveitarfélög og innleiðingu þeirra hér: http://barnvaensveitarfelog.is/barnvaen-samfelog/

Að lokum var fulltrúa Ungmennaráðs Selmu Ýr Ívarsdóttur klappað lof í lófa vegna frammistöðu hennar í stærðfræðikeppni á meðal framhaldsskólanema á landsvísu. Selma Ýr er meðal 20 efstu í keppninni og er hún eini þátttakandinn utan höfuðborgarsvæðisins í þeim hópi. Til hamingju Selma :)