Ungmennaráð Hornafjarðar

Niðurstöður orkudrykkjakönnunarinnar komu ungmennaráði ekki á óvart og verða niðurstöðurnar kynntar fyrir skólastjórnendum beggja skólastiga ásamt fræðslu- og tómstundanefnd. Áhugavert væri að kalla eftir fræðslu um áhrif koffíns á líkamann. Starfsmanni falið að athuga það nánar.

Ungmennaráð hefur ákveðið að leita til ungliðahreyfinga á höfuðborgarsvæðinu til að kynna stjórnmálaflokkana og störf þeirra fyrir ungmennum á Hornafirði. Ákveðið var að leita til sem flestra ungliðahreyfinga því mun fleiri flokkar bjóða fram til alþingiskosninga en þeir flokkar sem í boði eru í sveitarfélaginu.

Ungmennaráð fékk fyrirspurn um það hvort ráðið ætli að beita sé fyrir því að sveitarfélagið verði með stuðning við atvinnu ungmenna líkt og gert var í fyrra sumar. Þá er átt við hvort sveitarfélagið muni bjóða aftur út störf eins og nemendum stóð til boða í fyrra t.a.m. störf í áhaldahúsi eða á skrifstofum sveitarfélagsins. Ungmennaráði finnst áhugavert og gleðilegt að ungmenni vilji og hafi áhuga á að starfa við hin ýmsu störf sem vinna þarf í sveitarfélaginu. Starfsmanni ungmennaráðs falið að vinna áfram í málinu.