Ungmennaráð Hornafjarðar

Sveitarfélagið Hornafjörður vinnur að því að gerast Barnvænt sveitarfélag. Eitt af þeim verkefnum sem þarf að uppfylla er að halda barnaþing/ungmennaþing. Á ungmennaþingi Ungmennaráðs eru nemendur á aldrinum 13-18 ára eða þeir nemendur sem eru í 7.bekk grunnskóla til og með nemendum í FAS. Mæting á ungmennaþing er ekki valkvæð heldur er það partur af uppbrotum í skólunum. Umræður/málstofur á ungmennaþingi fara eftir því hvað liggur mest á ungmennunum, hvað vilja þau ræða, hverju vilja þau breyta og hvaða fræðslu vilja þau fá. Í stað þess að þurfa að sitja tvö þing í haust þ.e. ungmennaþing Ungmennaráðs og barna/ungmennaþing sveitarfélagsins var ákveðið að sleppa ungmennaþingi Ungmennaráðs. Ungmennaráð mun þess í stað leggja fram hjálp sína við að halda barna/ungmennaþing sveitarfélagsins.

Ungmennaráð vantar fjóra fulltrúa í ráðið. Búið er að óska eftir tilnefningum frá Umf.Sindra og frá félagsmiðstöðinni Þrykkjunni. Jafnframt vantar einn fulltrúa frá Grunnskóla Hornafjarðar og einn frá FAS. Fulltrúar í ungmennaráði munu hvetja skólasystkini sín til að bjóða sig fram til setu í ungmennaráði og munu kosningar fara fram á hvoru skólastigi fyrir sig ef fleiri en einn bjóða sig fram á hvorum stað.

Kynning á ungmennaráði Suðurlands var kynnt fyrir fulltrúum UngHorn sem mættir voru á fund og þau hvött til að skoða málið. Frestur til að svara erindinu er 20. september n.k.