Ungmennaráð Hornafjarðar

Góðar umræður voru um svefn og svefnvenjur ungmenna. Flest ungmennanna í Ungmennaráði sögðust fara of seint að sofa og væru oftast þreytt á morgnana þegar þau vakna. Mikill skjátími snjalltækja, orku/koffíndrykkjaneysla og seinn æfingatími íþrótta eiga stóran þátt í því að ungmenni sofna seinna. Hugmynd um að halda svefndagbók á hverju heimili í einhvern tíma þótti áhugaverð og mun Ungmennaráð leita sér frekari upplýsinga á framkvæmd.

Ungmennaráð fékk fyrirspurn um að kanna möguleikann á bíósýningum á Höfn. Áætlað er að Sindrabær fari í endurbætur innanúss þar sem m.a.verður svölunum breytt aftur sem nær upprunalegu horfi þ.e. lengdar og opnaðar á ný sem hentar fullkomlega til bíósýninga. Starfsmanni falið að vinna áfram að málinu og taka fyrir á næsta fundi.

Starfsmaður leitaði upplýsinga hversvegna handbolti væri ekki í boði á Höfn. Svarið sem starfsmaður fékk er eftirfarandi: ,,Handbolti er erfið íþrótt og flókin. Til að halda úti æfingum þá þurfa minnst 10 manns að mæta á æfingar og þjálfarinn ÞARF að kunna handbolta þ.e. reglur og spil. Þess ber að geta að hvergi á Austurlandi er í boði að þjálfa handbolta. Handbolti er í boði á Akureyri og svo á Selfossi og í Vestmannaeyjum og í Reykjavík. Handbolti er ,,hnignandi" íþrótt og eru íþróttafélögin í Rvk m.a.að sameinast til að ná í lið". Ungmennaráð þakkar fyrir upplýsingarnar og hvetur ungmenni Hafnar til að nýta sér þær íþróttir sem eru nú þegar í boði.

Þeir umræðustjórar Barnaþings sem eru einnig fulltrúar í Ungmennaráði Hornafjarðar fannst Barnaþingið ganga ágætlega. Þau voru sammála um það að færri/minni svörun var frá eldri hópunum. Ekki sköpuðust miklar umræður um spurningarnar/málefnin sem slík kannski frekar eitthvað annað sem tengdist þeim. Ef í heildina er litið til þessara tveggja daga voru þau nokkuð sátt og vonast til að niðurstöður þingsins komi fljótlega í ljós, svo hægt sé að vinna áfram með málefnin.