Ungmennaráð Hornafjarðar

Ungmennaráð vill byrja á því að þakka öllum þeim ungmennum sem tóku þátt í Skuggakosningum 2022.Kjörsóknin var mjög góð enda var ,,smalað" til þeirra :) Sem þakkarvott fyrir þátttökuna var haldin pizzuveisla og ball á Hafinu þann 17.maí og var mjög góð þátttaka og flest allir sáttir. Það eina sem núverandi ungmennaráð vill koma á framfæri til þeirra ungmennaráða sem eftir koma er að: Byrja undirbúning Skuggakosninga snemma og fá upplýsingar og fræðslu um frambjóðendur/flokka fyrir nemendur. En þetta tókst með ykkar (kjósenda) þátttöku :)

Ungmennaráð fékk spurningu sem þau vilja koma hér með á framfæri:

Það vantar klósett aðstöðu, nestisaðstöðu og geymslustað fyrir hjól á motokross brautinni. Er það sveitarfélagsins eða einhverra annarra að uppfylla? Ef það er sveitarfélagsins er þetta þá eitthvað sem er á framkvæmdalista sumarsins?

Spurningunni er vísað til umhverfis- og skipulagsnefndar og fræðslu- og tómstundanefndar

Fulltrúar Ungmennaráðs Hornafjarðar eru til í að hafa aðkomu að Humarhátíð hvort sem er á vegum Leikfélags Hornafjarðar eða Umf. Sindra. Hvetjum við því þessi félagasamtök að hafa samband við starfsmann ungmennaráðs ef óskað er eftir aðkomu þeirra.