Ungmennaráð Hornafjarðar

Dagbjört og Sunna kynntu niðurstöður frá ráðstefnu Landsambands Æskulýðsfélaga. Rætt um ástæður þess að ungt fólk mætir ekki á kjörstað og hvernig ungmennaráð Hornafjarðar getur brugðist við. Ákveðið að vinna áfram að málinu og kynna fyrir bæjaryfirvöldum.

Rætt um breytingar á erindisbréfi Ungmennaráðs Hornafjarðar. Óskað eftir því að meðlimir ráðsins verði ekki lengur tilnefndir eftir formennsku heldur verði kosið fulltrúa úr hverjum flokki, þ.e fulltrúi frá USÚ, fulltrúi frá Heppuskóla, fulltrúi frá félagsmiðstöðinni Þrykkjunni, fulltrúi frá Framhaldsskóla Hornafjarðar og óháður fulltrúi. Ungmennaráð leggur einnig til að hluti fulltrúa sé kjörinn til tveggja ára.

Ungmennaráð Hornafjarðar óskar eftir fjárframlagi til að nýta í ferðir og aðra viðburði sem ráðið telur mikilvæga hverju sinni. Starfsmanni er falið að ganga frá málinu í samstarfi við Sunnu Dögg og Sigríði.

Starfsmaður kynnir ráðstefnu UMFÍ fyrir fulltrúum, Ungt fólk og lýðræði sem haldin verður dagana 25.-27. mars í Stykkishólmi. Tveimur fulltrúum ásamt starfsmanni býðst að fara og ákveðið að það verði Sigríður Þórunn og Þorlákur Helgi.

Fulltrúar ráðsins kynntu niðurstöður úr rannsóknum sínum varðandi ungmennahús víðsvegar á landinu. Ákveðið að draga saman niðurstöður og kynna á ungmennaþingi í mars.

Samþykkt að halda vinnufund til undirbúnings fyrir ungmennaþing mánudaginn 16. febrúar.