Ungmennaráð Hornafjarðar

Þorvarður Árnason sagði ráðinu frá hugmyndum sínum, pælingum og ástríðu fyrir náttúrufegurð jöklanna áður en ráðið fékk nokkrar mínútur til að sjúga í sig mikilfengleika sýningarinnar. Eftir það snérust umræðurnar sem Þorvarður stjórnaði ásamt Hugrúnu Hörpu um breytingar jöklanna undanfarin ár og þá sláandi staðreynd að líklega verða þeir horfnir eftir 150 ár.
Hvað hugmyndir hefur ungmennaráð og hvernig er hægt að miðla þeim áfram út í samfélagið með það að markmiði að spyrna við þeirri hamfararhlýnun sem veldur bráðnun jökla og öðrum loftslagsbreytingum?

Fulltrúar humarhátíðarnefndar fóru yfir þær hugmyndir sem ungmennaráð ræddi á síðasta fundi. Þar hafði verið rætt að salurinn í Íþróttahúsinu væri of stór fyrir ungmennaball og lagði Humarhátíðarnefnd það til að umræddur dansleikur færi fram í Sindrabæ. Aðrar hugmyndir voru ræddar og fundinn staður fyrir þær í dagskrá humarhátíðar.
Á fimmtudeginum mun ungmennaráð standa fyrir spurningaleik í anda pubquz í hátíðartjaldinu milli 19:00 - 22:00 með veglegum vinningum sem ungmennaráð ætlar að redda. Á laugardeginum mun ungmennaráð vera með útileiki á hátíðarsvæðinu t.d. hlussubolta og lazertag. Um kvöldið verður svo ungmennadansleikur með hljómsveitinni Nostalgíu í Sindrabæ. Fulltrúar ungmennaráðs sem munu hafa yfirumsjón með þessum viðburðum eru: Tómas Nói Hauksson, Sigurstein Ingvar Traustason og Selma Ýr Ívarsdóttir.

Sigga fór yfir hvernig var staðið að þessum ungmennaþingum þegar hún starfaði með ungmennaráði. Ungmennaráð fór yfir málstofurnar og ákvað að vinna með Hornafjörður Náttúrlega sem þema í einni málstofu. Sigursteinn Ingvar Traustason og Stefán Birgir Bjarnason hafa verið skipaðir til að sjá um skipulagningu á umræddri málstofu og munu vinna það í samstarfi við verkefnastjóra á fræðslu og frístundarsviði.
Drög að málstofu og skipulagi verður tilbúið fyrir maí lok og verður kynnt fyrir ungmennaráði á síðasta fundi fyrir sumarfrí.

Fulltrúar ungmennaráðs munu horfa á innleiðingarmyndböndin og senda verkefnastjóra staðfestingar á áhorfinu.

Formaður hornfirska starfshópsins Alexandra Guðrúnardóttir fór yfir þau verkefni sem hóparnir hafa verið að vinna. Peysuhópurinn hefur hannað og samþykkt logo og fengið fyrirtæki til að hanna og prenta peysurnar og má vænta þeirra á allra næstu dögum. Samfélagsmiðlahópurinn hefur verið að gera leikplan til að kynna sig á Tick Tock og Instagram samhliða heimsókninni hingað til Hornafjarðar. Handritsnefndin vinnur að fullu að handriti fyrir heimildarmyndina sem ungmennaráðin ætla að vinna saman að ásamt því sem tæknihópurinn er komin með flest þau tæki sem þau þarfnast. Skemmtinefnefndin leggur aðal áherslu á að skipuleggja lokapartý sem á að fara fram í Sindrabæ og hefst á einkapartýi en síðar um kvöldið mun húsið standa opið öllum ungmennum 13 ára og eldri. Allur undirbúningur og skipulag er því komið vel á veg og mikil stemning í hópnum.

Sigursteinn Ingvar Traustason kynnti hugmyndir sínar um hvernig væri hægt að nýta rýmið í Vöruhúsinu sem FAS hefur verið að nota undir málmsmíðakennslu sem aðstöðu fyrir ungmenni sem hafa áhuga á að gera við vélar og bíla og sækir fyrirmynd sýna í húsnæði ungmennahússins Músik og Mótor í Hafnarfirði. Ungmennaráði líst vel á hugmyndirnar og vill koma þeim áfram þar sem talið er húsnæðið verði lítið notað næsta vetur af FAS. Sigursteinn ætlar að hanna kynningu á hugmyndinni og mun verkefnisstjóri koma henni áfram í kerfinu.