Ungmennaráð Hornafjarðar

Þrír fulltrúar ungmennaráðs fóru á ungmennaráðstefnu UMFÍ "Ungt fólk og lýðheilsa" sem fram fór á Reykjum í Hrútafirði helgina 20. - 22. september. Þar voru um 100 ungmenni alls staðar að af landinu og var ráðstefnan einstakleg vel heppnuð. Þar var m.a. rætt um lýðheilsu í þremur málstofum. Málstofa 1. Líkamleg heilsa, en um hana sá Logi Geirsson. Málstofa 2. Andleg heilsa og var Aldís Arna Tryggvadóttir með hana og síðast en ekki síst var Sabín Steinunn Halldórsdóttir með málstofu um félagslega heilsu. Einnig mætti Anton Sveinn Mackee, sundmaður með sína sögu. Ráðstefnan endaði svo á kaffihúsaspjalli með ráðherrum, þingmönnum og fleiri aðilum m.a. Ásmundi Einari Daðasyni mennta- og barnamálaráðherra, Loga Má Einarssyni þingmanni, Kristófer Þorgrímssyni spretthlaupari, Jóhanni Steinari Ingimundarsyni, formanni UMFÍ ásamt mörgum öðrum.
Ungmennin sem fóru á Reyki voru einstaklega ánægð með ferðina og fannst þetta ver einstök upplifun.

Fulltrúar ungmennaráðs tóku hring þar sem þau ræddu hvaða málefni hefðu verið efst á baugi á fundum fastanefnda. Umræður urðu líflegar um skipulagsmál og fyrirhuguð íþróttamannvirki.
Ráðið kallar eftir meiri umræðu um umhverfis og skipulagsmál á næsta fundi Ungmennaráðs.

Ísold Andrea Andrésdóttir verður aðalmaður hafnarstjórn og Sindri varamaður.
Emilía Alis Sumarrós verður varamaður í atvinnu og menningarmálanefnd.

Ungmennaráð fagnar þessari tilraun og hvetur forstöðumann Þrykkjunnar að slaka ekki á í að auglýsa þessar opnanir og að mynda gott samstarf við nemendafélag FAS.
Ungmennaráð ætlar einnig að vera duglegt að deila viðburðum fyrir ungt fólk á miðlum eins og TikTok og Instagram til að peppa þannig félagslífið í sveitarfélaginu.

Á fræðsludeginum var ýmislegt gert og var hann ótrúlega vel heppnaður.
Ungmennráð vill leggja áherslu á að þetta árið verði sýnilegur framkvæmdir á leikvöllum og unnið verði með aðrar hugmyndir en rólur og rennibrautir til að mynda klifurveggi og heilsueflandi hluti.
Einnig vilja þau að grillsvæði sem áður hefur verið rætt fyrir neðan Hrossó verði að veruleika og að þar verði bekkir, skjólveggir, jafnvel kofi svo þetta sé næs staður að hanga á og hægt að setja jafnvel keppnsleiki við svæðið.
Ungmennaráð vill einnig að gangstéttinni við Silfurbraut verði löguð og merki ungmennaráðs sett við gangstéttanna að því loknu.

Ungmennaráð skoðar þann möguleika á að gera kynningarmyndband á aðgerðaráætluninni sem og stöðunni á henni. Ungmennaráð telur að myndbandið þurfi að vera vel unnið og felur starfsmanni að kanna hvort hægt sé að fá fagaðila til að taka það upp og vinna það þó að þau kæmu að handritsgerð og kæmu fram í því.
Myndbandið á einnig að vera fræðslu efni um Barnasáttmálann og hvernig sveitarfélagið stendur gagnvart honum. Stefnt á að myndbandið verði tilbúið 20. nóvember á 35 ára afmælisdegi Barnasáttmálans.

Ungmennaráð leggur til að ef næst að gera myndbandið þá verði það frumsýnt þennan dag í öllum stofnunum sveitarfélagsins. Myndbandið verður í senn mat á stöðunni í sveitarfélaginu en um leið fræðsluefni. Mikilvægt er að gera sem mest úr þessu t.a.m. mætti biðja fólk um að svara spurningum um Barnasáttmálann að lokinni sýningu og út á hvað verkefnið Barnvænt sveitarfélag gengur.