Ungmennaráð Hornafjarðar

Samantekt af samtali fræðslu- og frístundarnefndar og ungmennaráðs. Í samtalinu var farið yfir starfsemi ungmennaráðs og hvaða aðkomu þess að ýmsum málum innan sveitarfélagsins. Var þar minnst á opnunartíma sundlaugarinnar aðkomu ungmennaráðs að innleiðingu á Barnvænu sveitarfélagi, fræðsludag ungmennaráðs, verkefnið Ungt fólk og lýðræði, skuggakosningar og fleira. Fram kom ánægja ungmennaráðs með nýja leikvelli við Miðtún og Hagatún auk fyrirhugaðs leikvallar á Leirusvæðinu en um leið áréttaði það óskir um fjölbreyttara tækjaval á leikvöllum sem ýta undir sköpunargáfu og fjölbreyttan leik og að endurnýjun þeirra gengi hraðar fyrir sig. Einnig benti ungmennaráð á slaka umhirðu á nokkrum leikvöllum og sérstaklega bent á nokkur körfuboltaleiksvæði þar sem vatn stendur upp á malbikinu og drullu safnast saman á þeim. Kynntar voru hugmyndir ungmennaráðs um skipulag í Hrossabitahaganum og nágrenni svo svæðið nýttist betur. Einnig var ungmennaráð með nýjar útfærslur á Nýheimum og hvernig mætti nýta þá betur og efla sem samfélagshús. Ungmennaráð þakkaði fræðslu- og frístundarnefnd fyrir komuna og góðar umræður og var ákveðið að fræðslu- og frístundarnefnd tæki erindið ungmennaráðs fyrir á næsta fundi nefndarinnar og vísa því til fleiri fastanefnda. Að lokum var starfsmanni falið að boða bæjarráð á næsta fund ungmennaráðs sem haldinn verður 10. mars í ráðhúsinu.

Þrykkjuráð óskaði eftir aðstoð frá ungmennaráði við að skipuleggja viðburði með það að markmiði að ná til breiðari aldurshóps. Þar á meðal er mögulegt samstarf við Nemendafélag FAS.
Ungmennaráð tók vel í samstarfið og mun senda tvo fulltrúa á næsta fund Þrykkjuráðs til frekari skipulagsvinnu.

Þá vill Þrykkjuráðið einnig ræða möguleika á að halda áfram vinnu við að færa Þrykkjuna til samstarfs austurs. Starfsmaður mun hefjast handa við þá vinnu eftir að söngvakeppninni lýkur.