Velferðarnefnd

Fundargerð 19. fundar fjölmenningarráðs Sveitarfélagsins Hornafjarðar sem fram fór 9. október s.l. lögð fram til kynningar

Þann 18. október 2023 veitti Styrktarsjóður geðheilbrigðis Sveitarfélaginu Hornafirði 300.000 kr. styrk til að vinna að verkefninu "Gott bakland". Gott bakland er námskeið og eftirfylgni fyrir aðstandendur einstaklinga með geðgreiningar. Markmiðið er að styrkja aðstandendur í hlutverki sínu sem hornsteinn í bata einstaklings með geðrænar áskoranir, fræða þá um birtingarmyndir ólíkra geðgreininga og aðstoða þá við að finna viðeigandi bjargráð. Velferðarsvið hefur fengið Jón Karl Stefánsson til liðs við verkefnið og mun hann koma að uppbyggingu námskeiðsefnis. Jón Karl er með BA og MA gráðu í sálfræði frá University of Tromsø og vinnur nú að doktorsrannsókn sinni í félagsfræði við Háskóla Íslands. Drög að verkefnalýsingu fyrir verkefnið "Gott Bakland" eru lögð fram til kynningar.

Fundargerð 15. fundar öldungaráðs Sveitarfélagsins Hornafjarðar sem fram fór 25. september s.l. lögð fram til kynningar.

Drög að römmum fyrir fjárhagsáætlun 2025 á Velferaðarsviði Sveitarfélagsins Hornafjarðar lagðir fram til kynningar

Velferðarsviði barst ósk frá íbúa um að velferðarnefnd tæki til umfjöllunar tillögu að breytingu á 11. gr. reglna um sérstakan húsnæðisstuðning. Breytingartillagan fellst í því að heimild til sérsaks húsnæðisstuðnings verði útvíkkuð með þeim hætti að hún nái einnig til nemenda 15-17 ára sem sækja nám fjarri heimabyggð og leiga á almennum leigumarkaði.

Gæða- og eftirlitsstofnun velferðarmála framkvæmdi frumkvæðisathugun á reglum stoð- og stuðningsþjónustu sveitarfélaga í upphafi árs. Niðurstöður liggja nú fyrir og hafa verið sendar á sveitarfélögin með ábendingum og tilmælum til úrbóta. Niðurstöðurnar fyrir Sveitarfélagið Hornafjörð eru hér með lagðar fram ásamt úrbótaáætlun og tímalínu.

Drög að endurnýjun þjónustusamnings milli Sveitarfélagsins Hornafjarðar og Blindrafélagsins, samtök blindra og sjónskretra á Íslandi, lögð fram til kynningar. Samningurinn kveður á um að Blindrafélagið taki að sér að reka asktursþjónustu fyrir íbúa sveitarfélagsins sem eru greindir lögblindir af Þjónustu- og þekkingarmiðstöð fyrir blinda, sjónskerta og daufblinda einstaklinga og geta ekki nýtt sér almenningssamgöngur vegna fötlunar sinnar. Þjónustusvæði samningsins er Reykjavik og nágrenni og er þjónustan í formi leigubílaþjónustu. Samningurinn byggir á 29. gr. laga um félagsþjónustu sveitarfélaga nr. 40/1991, 20. gr. samnings Sameinuðu þjóðana um réttindi fatlaðs fólks, leiðbeinandi reglum fyrir sveitarfélög um ferðaþjónustu við fatlað fólk og reglum Sveitarfélagsins Hornafjarðar um aksturþjónustu fatlaðs fólks.

Þann 15. febrúar 2024 var undirrituð yfirlýsing um samstarf þjónustukerfa á sviði endurhæfingar. Markmið yfirlýsingarinnar er að bæta lífskjör og lífsgæði fólks sem þarf á endurhæfingarþjónustu að halda til að bæta afkomu sína og möguleika til virkni, menntunar og atvinnuþátttöku á eigin forsendum í samræmi við sáttmála ríkisstjórnarinnar frá 2021. Með vísan í viljayfirlýsinguna leggur Félags- og vinnumarkaðsráðuneytið fram drög að samning milli þjónustukerfanna og óskar eftir því að félagsþjónustur sveitarfélaga taki þau til yfirferðar. Óskað er eftir því að ábendingum og athugasemdum um efni dragana verði skilað inn fyrir 15. október. Þá er einnig óskað eftir því að stjórnanda félagsþjónustu verði veitt umboð til undirritunar samningsins sem fram 30. október n.k. í tengslum við haustfund og afmælisviðburð Samtaka stjórnenda í velferðarþjonustu í Reykjanesbæ.

Óskað er eftir umsögnum vegna draga að frumvarpi til laga um breytingu á 44. gr. laga um útlendingamál nr. 80/2016.

Óskað var eftir umsögn vegna draga að reglugerð um framlög Jöfnunarsjóðs sveitarfélaga vegna þjónustu við fatlað fólk. Frestur til að skila inn umsögnum var til 9. október og því var ekki unnt að leggja málið fyrir velferðarnefnd. Umsögn var skilað inn f.h. sveitarfélagsins og var hún lögð fyrir bæjarráð og samþykkt þar 8.9.2024. Hún er því lögð fram á fundi velferðarnefndar til kynningar.

Starfshópur á vegum félags- og vinnumarkaðsráðuneytis hefur nú skilað af sér áfangaskýrslu II um kostnaðar- og ábyrgðarskiptingu milli ríkis og sveitarfélaga í málefnum fatlaðs fólks. Skýrslan er lögð fyrir velferðarnefnd til kynningar.