Velferðarnefnd

Bæjarráð Sveitarfélagsins Hornafjarðar hefur tilnefnt Erlu Björgu Sigurðardóttur sviðsstjóra velferðarsviðs sem tenglið sveitarfélagsins vegna innleiðingar laga um samþættingu þjónustu í þágu farsældar barna.

Innleiðing Barnasáttmála Sameinuðu þjóðanna felur í sér átta skref og er áætlað að það taki að lágmarki tvö ár að ljúka við innleiðingarhringinn og fá viðurkenninguna Barnvænt sveitarfélag. Nýafstaðið Barnaþing sem var haldið dagana 3. og 4. nóvember í Hafnarskóla og FAS er einn þáttur í stöðumati sem er annað skref í innleiðingunni.

Áttundi fundur Öldungaráðs Sveitarfélagsins Hornafjarðar var haldinn á Víkurbraut 24, 22. október sl.

Velferðarsvið Sveitarfélagsins Hornafjarðar er þátttakandi í verkefninu Sigurhæðir, sem veitir þjónustu við þolendur kynbundins ofbeldis. Þjónusta Sigurhæða felur í sér að bjóða konum búsettum á Suðurlandi sem orðið hafa fyrir kynbundnu ofbeldi öruggan vettvang og aðstoð fagfólks til að vinna úr áföllum sem eiga rætur í ofbeldinu. Verkefnið felst einnig í því að efla samstarf milli aðila sem veita þolendum kynbundins ofbeldis þjónustu á Suðurlandi og auka vitund og þekkingu á kynbundnu ofbeldi meðal almennings, fagaðila og samstarfsaðila í verkefninu með þjálfun og fræðslu.

Þann 15. apríl sl. samþykkti bæjarstjórn Sveitarfélagsins Hornafjarðar myndun fjölmenningarráðs sem skipað yrði fulltrúum íbúa af erlendum uppruna. Ráðið kom saman og fundaði í fyrsta skipti þriðjudaginn 12. október sl.

Sveitarfélaginu hefur borist árleg ósk Stígamóta eftir fjárstuðningi og samstarfi um rekstur starfseminnar. Öll þjónusta Stígamóta við brotaþola er ókeypis og samtökin sinna allri landsbyggðinni.

Blindrafélagið tekur að sér að reka akstursþjónustu fyrir íbúa sveitarfélaga sem eru greindir lögblindir af Þjónustu- og þekkingarmiðstöð fyrir blinda, sjónskerta og daufblinda einstaklinga og geta ekki nýtt sér almenningssamgöngur vegna fötlunar sinnar. Einnig geta aðrir með skilgreinda fötlun rétt á slíkri aksturþjónustu.