Sveitarfélagið Hornafjörður tilkynnir að umfangsmiklar malbikunarframkvæmdir hefjast í sveitarfélaginu miðvikudaginn 23. september næstkomandi. Unnið verður að malbikun gatna, göngustíga og bifreiðastæða samkvæmt neðangreindri verk- og tímaáætlun.
Íbúar og vegfarendur eru beðnir um að sýna aðgát, virða merkingar og lokanir á framkvæmdasvæðum og leggja ekki bifreiðum þar sem framkvæmdir standa yfir.
Tíma- og verkáætlun:
23. september
- Malbikun á bifreiðaplani við Krónuna.
24. september
- Sandbakki (gata og göngustígur)
25. – 27. september
- Silfurbraut (gata og göngustígur)
- Fiskhóll (gata og göngustígur)
- Sæbraut - Malbikun við Björgunarmiðstöð og Gáruna.
- Við Víkurbraut 34
28. – 29. september
- Leirusvæðið - flestir göngustígar og svæði við leikvöll.
- Göngustígur á golfvelli
- Göngustígur við hjúkrunarheimilið.
30. september og næstu daga
- Plön(Báran, Sindrabær og gatnamót Kirkjubrautar/Víkurbrautar) ásamt smáblettum og yfirlögnum.
1. október (áætlað)
- Fjárhagi
Mikilvægar upplýsingar til íbúa og vegfarenda:
- Lokanir og umferðartafir.
Búast má við tímabundnum götulokunum og töfum á meðan framkvæmdir standa yfir. Göturnar verða opnaðar fyrir umferð jafnóðum og malbikið hefur kólnað nægilega og aðstæður leyfa.
- Bifreiðastæði
Vinsamlegast leggið ekki bifreiðum eða vinnuvélum á þeim götum, stígum eða plönum sem tilgreind eru á viðkomandi framkvæmdadegi til að tefja ekki vinnu verktaka.
- Veðurfyrirvari
Tímaáætlun er háð veðri og ófyrirséðum aðstæðum og getur því hliðrast ef rigning eða aðrar tafir koma upp.
Sveitarfélagið Hornafjörður biðst velvirðingar á þeim óþægindum sem framkvæmdirnar kunna að valda og þakkar íbúum fyrir sýndan skilning og samstarfsvilja.