Hvernig getum við byggt upp sterkara samfélag saman?
Skipuleggjendur verkefnisins fyrir nýja íbúa í Hornafirði bjóða ykkur velkomin á næsta opna fund þar sem áherslan verður á tengslanet, upplýsingamiðlun og gagnkvæman stuðning.
Sérstakur gestur fundarins verður Hjördís Þóra Sigurþórsdóttir, formaður AFLs Starfsgreinafélags. Hún mun ræða um íslenska vinnumarkaðinn, réttindi og skyldur starfsfólks og hvers konar stuðning stéttarfélög bjóða upp á. Eftir erindið verður opnað fyrir spurningar og spennandi umræður. Fundurinn er frábært tækifæri til að kynnast nágrönnum þínum, deila reynslu og finna sameiginleg áhugamál í notalegu umhverfi. Hvetjum ykkur til að deila upplýsingunum með nýjum íbúum á svæðinu!
Dagsetning: 18. júní 2026
Tími: Kl. 17:00
Staður: Gamlabúð, Höfn
Aðgangseyrir: Ókeypis og öll velkomin!