Kristín Vala Þrastardóttir
Forstöðumaður Menningarmiðstöðvar Hornafjarðar
Menningarmiðstöð
Menningarmiðstöð Hornafjarðar og starfssvæði hennar er Sveitarfélagið Hornafjörður. Stofnunin varð til árið 1990 með sameiningu nokkurra safna. Heiti stofnunarinnar var upphaflega Sýslusafn Austur-Skaftafellssýslu en breyttist árið 2001 í Menningarmiðstöð Hornafjarðar. Árið 2020 voru atvinnu- og ferðamál sameinuð Menningarmiðstöð Hornafjarðar og því er Menningarmiðstöðin orðin miðstöð menningar- atvinnu-, og ferðamála í sveitarfélaginu.
Starfandi einingar innan Menningarmiðstöðvarinnar eru:
- Byggða-, sjóminja- og náttúrugripasafn
- Listasafn
- Bókasafn
- Héraðsskjalasafn
- Rannsóknarsvið
- Gamlabúð
Atvinnu-, ferða- og rannsóknarsvið starfar jafnframt þvert á einingar Menningarmiðstöðvarinnar.
Áhersla er lögð á að varðveita, skrá og miðla menningararfi og sérstöðu Hornafjarðar. Starfið tekur einnig til rannsókna, fræðslu og þátttöku barna og ungmenna, auk nýsköpunar og þróunar atvinnulífs og ferðaþjónustu.
Sýningar eru opnar í bókasafninu, Verbúðinni í Miklagarði, Gömlubúð og Svavarssafni og er aðgangur ókeypis.
Menningarmiðstöð Hornafjarðar stendur fyrir fjölbreyttu barna- og ungmennastarfi. Á sumrin er boðið upp á styttri ferðir þar sem börn kynnast nærumhverfinu á nýjan hátt, auk sumarlestrar bókasafnsins með hvatningarverðlaunum að hausti. Á bókasafninu eru barna- og unglingahorn og foreldrar hvattir til að koma þangað með börnum sínum. Menningarmiðstöðin tekur einnig reglulega á móti skólahópum, kynnir þeim listir og sögur og tekur þátt í ýmsum viðburðum í sveitarfélaginu.
Samfélagsmiðlar Menningarmiðstöðvarinnar á facebook eru:
Menningarmiðstöð Hornafjarðar, Svavarssafn og Gamlabúð
