Gakktu úr skugga um að skýrar flokkunarleiðbeiningar séu aðgengilegar fyrir gesti. Hægt er að hlaða niður fjöltyngdum flokkunarleiðbeiningum okkar og deila þeim með gestum
Leiðbeiningar fyrir dreifbýli
Sorpþjónusta í dreifbýli Hornafjarðar
Reglubundin sorphirða frá heimilum
Heimili í dreifbýli hafa aðgang að ýmiss konar sorphirðuþjónustu allt árið sem er innifalin í árlegu sorpgjaldi án viðbótarkostnaðar.
Sveitarfélagið Hornafjörður útvegar íbúum í dreifbýli þrjár aðskildar tunnur fyrir:
- pappír og pappa
- plast
- blandaðan úrgang
Reglubundin sorphirða frá heimilun er á 4 vikna fresti.
Rétt flokkun hjálpar til við að tryggja að endurvinnsluefni nýtist til endurvinnslu og dregur úr því magni úrgangs sem fer til urðunar. Nokkur einföld atriði við flokkun hjálpa einnig til við að sorphirðan gangi vel.
Gætið þess að pappír, plast og blandaður úrgangur fari í réttar tunnur. Ef úrgangur er rangt flokkaður kann tunnan að vera skilin eftir ólosuð þar til flokkun hefur verið lagfærð
Þú þarft að: Skoða sorphirðudagatalið og tryggja að gott aðgengi sé að tunnum í sorphirðuvikunni.
Flokkun og söfnun úrgangs í dreifbýli
Kröfur um flokkun heimilisúrgangs ná jafnt til allra íbúa, óháð staðsetningu, í þéttbýli sem dreifbýli. Yfirgripsmiklar flokkunarleiðbeiningar eru aðgengilegar hér.
Önnur sorpþjónusta
- Brotajárn: Sótt einu sinni á ári.
Þú þarft að: Skrá þig fyrir söfnun hjá sveitarfélaginu. - Heyrúlluplast: Sótt þrisvar sinnum á ári.
Þú þarft að: Fylgjast með söfnunardögum og ganga frá plastinu á viðeigandi hátt svo það sé tilbúið til söfnunar. - Spilliefni og lítil raftæki: Sótt einu sinni á ári.
Þú þarft að: Fylgjast með söfnunarvikunni og skrá þig fyrir söfnun hjá sveitarfélaginu. - Hjólbarðar + stærri raftæki: Sótt einu sinni á ári.
Þú þarft að: Fylgjast með söfnunarvikunni og skrá þig fyrir söfnun hjá sveitarfélaginu. - Textíll: Sótt á sama tíma og heyrúlluplast eða spilliefni og lítil raftæki.
Þessi tiltekna sorpþjónusta verður auglýst á heimasíðu sveitarfélagsins og á öðrum samfélagsmiðlum.
Skráning
Fyrir þjónustu sem krefst skráningar hafið samband við umhverfisfulltrúa sveitarfélagsins.
- Sími: 478 0000
- Netfang: Xiaoling@hornafjordur.is
Dýrahræ
Sérstökum gámum undir dýrahræ, fyrir sveitabæi með búfé, er dreift um sveitarfélagið. Þessir gámar eru einungis fyrir dýrahræ og eru aðeins ætlaðir búfjárbændum. Fyrirspurnir varðandi þessa gáma má senda á Umhverfisfulltrúa
Vindur, snjór og hálka geta gert sorphirðu erfiðari. Nokkur einföld atriði geta komið í veg fyrir vandamál.
- Tryggðu tunnurnar
Gakktu vel frá tunnum svo þær fjúki ekki um koll eða burt og verði ekki fyrir skemmdum. - Tryggðu lokin
Hafðu lokin lokuð og tryggð svo þau fjúki ekki upp og úrgangur dreifist ekki. - Tryggðu gott aðgengi
Gakktu úr skugga um að sorphirðuaðilar komist örugglega að tunnum, sérstaklega í snjó og hálku. - Þarftu að breyta tunnunum?
Of mikið pláss eða of lítið? Hafðu samband við okkur ef þú þarft að breyta fjölda eða stærð tunna.
Þessi leiðarvísir tryggir að íbúar á landsbyggðinni hafi skýrar leiðbeiningar um það hvernig þeir eigi að meðhöndla úrgang sinn á skilvirkan hátt, sem endurspeglar skuldbindingu okkar til sjálfbærni á öllum sviðum samfélagsins.