Fundargerð umhverfisnefndar 84

84. fundur

Fundur  umhverfisnefndar Hornafjarðar haldinn í ráðhúsi,fimmtudaginn 8. janúar 2009 og hófst hann kl. 12:00

Fundinn sátu: Sigurlaug Gissurardóttir, Valdemar Einarsson, Þórey Bjarnadóttir, Haukur Ingi Einarsson, 

Fundargerð ritaði:  Haukur Ingi Einarsson, framkvæmdastjóri tækni- og umhverfissviðs

Dagskrá:

1.      200711006 - Fráveitumál

Frumvarp til nýrra laga um fráveitur.

Starfmanni falið að kann hvaða breytingar hafa orðið á fyrirliggjandi frumvarpi til laga um fráveitu og bera saman við gildandi fráveitusamþykkt sveitarfélagsins.

2.      200709059 - Endurskoðun á aðalskipulagi

Endurskoðun á aðalskipulagi Sveitarfélagsins Hornafjarðar.

Haukur gerði grein fyrir þeirri vinnu sem starfshópur um endurskoðun aðalskipulags hefur unnið fram að þessu. Starfshópurinn leggur til að vinnu við endurskoðun aðalskipulags ljúki eigi síðar en febrúar 2010 með staðfestingu ráðherra. Starfshópurinn óskar eftir því að nefndir/ráð skili af sér ályktunum, breytingartillögum og bókunum frá sér eigi síðar en 20. mars 2009. Umhverfisnefnd er sammála um að halda vinnufund 22. janúar kl 17:00 – 19:00. Boðaðir verði aðal- og varamenn umhverfisnefndar til að fjalli um þau málefni er snúa að nefndinni og talin er þörf á að endurskoða.

Samþykkt samhljóða

3.      200901042 - Haustfundur HAUST 2008

Sigurlaug gerði grein fyrir fundargerð haustfundar Heilbrigðisstofnunar Austurlands og þeim meigináherlsum sem snúa beint að umhverfisnefnd.

4.      200812072 - Kirkjugarðsstæði við Réttarkletta

Til umsagnar. Nýtt kirkjugarðsstæði við Réttarkletta

Umhverfisnefnd tekur undir framkomna tillögum að nýju kirkjugarðsstæði við Réttarkletta. Nefndin telur jákvætt hvernig staðsetning kirkjugarðsstæðisins tengist útivistarmöguleikar í nágrenni Hafnar og bendir í því sambandi á að tengsl við fjölfarna gönguleið fram með Ægisíðu, aðsetur Fuglaathugunarstöðvar Suð - Austurlands og Skógræktarfélags A- skaft.

5.      200705114 - Önnur mál

Málefni tröllasmiðs

Til að árétta fyrri bókun Umhverfisnefndar frá síðasta fundi 8. desember s.l hvað varðar tillögu Umhverfisstofnunar um friðlýsingu tröllasmiðs. Þá hvetur umhverfisnefnd til að Umhverfisstofnun vinni að frekari rannsóknum á heimkynnum tröllasmiðs og búsetuskilyrðum hans í Nesjum. Nefndin bendir meðal annars á aðstöðu sem Háskólasetrið á Höfn hefur til rannsóknarvinnu.

Fleira ekki gert.  Fundi slitið kl.   13:00