Grunnskóli Hornafjarðar

Skólastjóri Þórgunnur Torfadóttir

Grunnskóli Hornafjarðar var stofnaður 1. ágúst 2007. Kennsla fer fram á tveimur starfsstöðum. Í Hafnarskóla eru til húsa nemendur í 1. – 6. bekk og í Heppuskóla eru nemendur 7. – 10. bekkjar.  Auk þess stunda nemendur nám í list- og verkgreinum í Vöruhúsinu, verkmenntahúsi, í Tónskóla Austur -  Skaftafellssýslu og nám í hreyfingu fer fram í mannvirkjum íþróttamiðstöðvarinnar. Starfsfólk skólans er 49 að tölu og  nemendur eru alls um 250 talsins. Skólastjóri er Þórgunnur Torfadóttir, aðstoðarskólastjóri yngra stigs er Magnhildur Björk Gísladóttir og aðstoðarskólastjóri eldra stigs er Eygló Illugadóttir.

Kjörorð skólans eru virðing – metnaður – vinátta – frelsi – jákvæðni. Kjörorðin marka grunninn að stefnu skólans ásamt umhverfisvernd, heilsueflingu og nám við hæfi, þau eru einnig samofin uppbyggingarstefnunni eða uppeldi til ábyrgðar, sem skólinn vinnur eftir. Nánari upplýsingar er að finna á heimasíðu skólans.