Fundargerð stjórnar HSSA 23

23. fundur

FUNDARGERÐ

Fundur haldinn í Stjórn Heilbrigðisstofnunar Suðausturlands þriðjudaginn 28. ágúst 2012 

kl. 16:20. 

Mætt voru: Ásgeir Gunnarsson, Guðmundur Gunnarsson, Guðbjörg Garðarsdóttir, Guðrún Ingimundardóttir og Lovísa Rósa Bjarnadóttir.  Einnig: Guðrún Júlía Jónsdóttir, Ásgerður Gylfadóttir, Ester Þorvaldsdóttir og Hjalti Þór Vignisson.

Fundargerðritaði: Guðrún Júlía Jónsdóttir, framkvæmdastjóri

1.                  Þjónustusamningur um rekstur heilbrigðis- og öldrunarþjónustu á vegum Sveitarfélagsins. Hjalti og Árni Helgason fara yfir stöðu mála

Árni Helgason frá Cato lögmenn sat fundinn undir þessum lið.

Árni gerði grein fyrir möguleikum HSSA og sveitarfélagsins að sækja ógreitt fé á hendur íslenska ríkinu skv. þjónustusamningi með málsókn.  Stjórn HSSA vísar málinu til umræðu í bæjarráði en leggur ríka áherslu á að áður en ákvörðun er tekin verði samráð haft við stjórn HSSA.

2.                  Fundargerð 22 fundar lögð fram til kynningar

Engar athugasemdir.

3.                  Starfsmannamál

Formaður greindi frá að framkvæmdastjóri hefur sagt upp stöðu sinni.  Bæjarráð hefur ákveðið að nýr framkvæmdastjóri HSSA verður ráðinn í gegnum ráðgjafafyrirtækið Hagvang.

Hjalti vék af fundi kl: 17.20.

4.                  Rekstrarstaðan 31. júlí 2012

Rekstrarstaðan er í jafnvægi en það er óvissa um lokaniðurstöðu þ.e. hvort HSSA fær að fullu greitt fyrir 26 hjúkrunarrými skv. Þjónustusamningi eins og gert er ráð fyrir í fjárhagsáætlun. 

5.                  Stefnumótun HSSA

Formaður leggur til að skipaður verði hópur þriggja nefndarmanna úr stjórn HSSA, sem fer yfir drögin að stefnumótuninni og kemur með tillögu um endanlega framsetningu og kynningu.  Er það samþykkt og hópinn skipa Ásgeir, Guðmundur og Guðrún Ingimundard.

6.                  Búmenn og íbúðir aldraðra

Framkvæmdastjóri HSSA fundaði í vor með framkvæmdastjóra og verkefnastjóra Búmanna. Fram hefur komið áhugi og eftirspurn eftir íbúðum fyrir eldri borgara á Hornafirði.  Búmenn eru tilbúnir að skoða möguleika að frekari uppbyggingu á Ekrusvæðinu.  Formanni og framkvæmdastjóra er falið að fá fund með Búmönnum sem haldinn verði á Hornafirði.  

7.                  Bygging á nýju hjúkrunarheimili

Starfshópur um byggingu nýs hjúkrunarheimilis var stofnaður í júní sl. Formaður kallar saman hópinn í næstu viku.

8.                  Önnur mál

Fundi slitið kl: 18.25