Fundargerð nefndar um íþróttamannvirki 31
31. fundur
Fundur haldinn í fundarsal ráðhúss, mánudaginn 19. febrúar 2007, kl. 12:00
Mætt voru: Friðrik Ingvaldsson formaður, Þórgunnur Torfadóttir, Peter Jessen, Halldóra B. Jónsdóttir, Haukur Ingi Einarsson, Haukur Helgi Þorvaldsson, Stefán Ólafsson ( í síma )og Svavar Sigurjónsson.
Gengið var til dagskrár og eftirfarandi tekið fyrir:
1. Vallarmál rædd.
Friðrik lagði til að frávikatilboð væri rætt og spurði álits, Peter áætlar að frávikatilboðið sé mjög hagstætt, mjög mikilvægt er að nákvæmni sé gætt við verkið og inn í það eru sett nákvæmniskröfur. Peter sest niður með verktaka og semur við hann um frávikatilboð og viðbótarverk og dagsetningar.
2. Kornastærð í fargi.
Peter leggur til að fargið sem hvílir á sundlaugarsvæði verði notað í völlinn en stærstu steinarnir verði týndir út við lagningu á farginu. Annað efni á að fara í undirlag fyrir hlaupabrautina, talað er um einskorna sandlag undir gras og meta hvort þurfi millilag milli undirlags og gras.
3. Gras á völlinn
Tvö tilboð voru rædd um gras á völlinn. Ákveðið var að ganga að tilboði Túnþökuvinnslunnar dagsett desember 2006. Skoðað verði að leggja fiskimjöl undir þökur og sanda völlinn um leið og lagningu líkur.
Rætt var um grasflöt utan hlaupabrautar, starfsmanni var falið að leita tilboða í það.
4. Verkefnastjóri.
Halldóra B. Jónsdóttir óskaði eftir umræðu um verkefnastjóra. Margar skoðanir komu fram. Ákveðið var að halda þessari umræðu opinni fram að næsta fundi.
Fundi slitið kl. 13:20
