Fundargerð nefndar um íþróttamannvirki 42
42. fundur
Fundur haldinn í ráðhúsi mánudaginn 18. september 2007, kl. 16:15
Mætt voru: Friðrik Þór Ingvaldsson formaður, Gestur Halldórsson, Þórgunnur Torfadóttir, Ragnhildur Einarsdóttir, Stefán Ólafsson, Haukur Helgi Þorvaldsson og Haukur Ingi Einarsson
Gengið var til dagskrár og eftirfarandi tekið fyrir:
1. Staða sundlaugarframkvæmda
Haukur Ingi greindi frá stöðu sundlaugarframkvæmda, verið er að útbúa verksamninga og undirbúa viðræður við byggingarstjóra.
2. Frágangur Sindravalla, girðingar og fleira
Haukur Helgi greindi frá yfirbreiðslu yfir stökkgryfjur. Nefndin fól starfsmönnum að kaupa yfirbreiðslu sem kynnt var á fundinum.
Haukur Ingi kynnti verðtilboð sem fékkst í girðingu meðfram Sindravalla. Nefndin fól starfmönnum að kanna fleiri möguleika á efnisvali og koma með tillögu að frágangi áhorfendasvæðis, einnig að koma girðingu fyrir í samræmi við umræður á fundinum.
3. Knattspyrnuhús
Stefán og Haukur kynntu nefndinni umræður bæjarráðs sem haldin var 17 sept. Nefndin tekur undir með bæjarráði um efnisval og framkvæmd útboðs. Miklar umræður sköpuðust um staðsetningu knattspyrnuhússins. Meirihluti nefndarinnar lagði til að staðsetja húsið við Áhaldahús.
Friðrik og Þórgunnur skiluðu séráliti. Friðrik og Þórgunnur lögðu til að fyrsti kostur væri Vegagerðislóðin þar sem þau lögðu áherslu á að hafa íþróttasvæðið á einum og sama staðnum og sem næst skólamannvirkjum.
Fundi slitið kl. 18:00
