Fundargerðir

Bæjarstjórn Hornafjarðar - 259

Haldinn í ráðhúsi,
14.02.2019 og hófst hann kl. 16:00

Fundinn sátu: Ásgerður Kristín Gylfadóttir aðalmaður,
Ásgrímur Ingólfsson Forseti,
Erla Þórhallsdóttir 1. varaforseti,
Björgvin Óskar Sigurjónsson aðalmaður,
Páll Róbert Matthíasson 2. varaforseti,
Sæmundur Helgason aðalmaður,
Bryndís Hólmarsdóttir aðalmaður,
Bryndís Bjarnarson upplýsinga- og umhverfisfulltrúi, Ólöf Ingunn Björnsdóttir fjármálastjóri.

Fundargerð ritaði: Bryndís Bjarnarson, upplýsinga- og umhverfisfulltrúi

Dagskrá:

Fundargerðir til staðfestingar

1. 1901006F - Bæjarráð Hornafjarðar - 884

Bryndís Hólmarsdóttir tók til máls undir 7. lið lýsing á leiksvæði.
Fundargerð samþykkt.

2. 1901012F - Bæjarráð Hornafjarðar - 885

Sæmundur Helgason tók til máls undir 3.lið malbikunarframkvæmdir og 1. lið, fundargerð menningarmálanefndar, Miklagarð.
Til andsvars kom Ásgerður K. Gylfadóttir.
Fundargerð samþykkt.

3. 1901014F - Bæjarráð Hornafjarðar - 886

Páll Róbert Matthíasson tók til máls undir 5. lið, Norrænt samstarf um norræna bæi og lagði fram eftirfarndi bókun D- lista.
"Um er að ræða frábært verkefni sem gefur bæjarbúum tækifæri á að hafa áhrif á sitt nærumhverfi með sjálfbærni að leiðarljósi. Íbúalýðræði spilar stórt hlutverk í verkefninu. Stefnt er að rafrænni skoðunarkönnun meðal íbúa sem fer vonandi í loftið á vormánuðum og þar geta þátttakendur komið sínum skoðunum og óskum á framfæri. Og mig langar að hvetja alla að taka þátt í þessu verkefni svo við fáum fram raunverulegan vilja íbúanna."
Ásgerður tók til máls undir 2. lið, fundargerð fræðslunefndar, 5. lið, ungmennaráð og undir 3. lið, undir 2. lið, undirbúningur byggingar nýs hjúkrunarheimilis.
Fundargerð samþykkt.

4. 1902001F - Bæjarráð Hornafjarðar - 887

Sæmundur tók til máls undir 7. lið, loflagsverkefni, mælingar.
Fundargerð samþykkt.

5. 1902002F - Bæjarráð Hornafjarðar - 888

Sæmundur tók til máls undir 2. lið, fundargerð umhverfisnefndar, 2. lið, staða sorpmála. Til andsvars Ásgerður K.
Páll Róbert tók til máls undir 5. lið, styrkir bæjarráðs og bókaði eftirfarandi. "Á fundi bæjarráðs no. 888 var úthlutað styrkjum bæjarráðs. þar voru 9 aðilar sem sóttu um styrki fyrir um 6,2 millj.
Allt voru þetta góðar og gildar umsóknir en þar sem fjárheimildir bæjarráðs eru 1,5 millj. var úr vöndu að ráða en við gerðum okkar besta
til að gleðja sem flesta.

Það sem mér fannst samt furðulegast við þessa úthlutun var að sjá umsókn frá Fuglaathugunarstöð Suðausturlands, sem er fyrir löngu búin að sanna mikilvægi sitt á þeim tæpu 14 árum síðan hún var stofnuð. Í fylgigögnum með umsókninni er farið yfir þau fjölmörgu verkefni sem unnin eru.
Þessir 2 starfsmenn sem hafa borið þetta starf uppi, að stórum hluta í sjálfboðastarfi, þurfa að koma skríðandi og sækja um styrk á hverju ári uppá von og óvon, og vita aldrei fyrirfram hvað hægt er að framkvæma á komandi ári.
Samt er ég eiginlega alveg viss um að við öll sem hér erum viljum hafa þessa starfsemi, við viljum ekki að hún leggist af.
Og því spyr ég, af hverju gerum við ekki styrktasamning stöðina til nokkurra ára í senn, eins og gert er við fjölmörg félagasamtök í þessu sveitarfélagi. Það myndi renna stoð undir reksturinn að vita fyrirfram um að hluti rekstrarins væri tryggður.

Ég ætla því að nota þetta tækifæri og leggja fram tillögu um að bæjarstjórn ákveði að gera samning við fuglaathugunarstöðina fyrir næsta ár, til nokkurra ára, og geri ráð fyrir því í næstu fjárhagsáætlun."

Til andsvars kom Ásgerður K. Gylfadóttir, lagði til að tillögunni yrði vísað til bæjarráðs. Til andsvars kom Páll Róbert samþykkti að tillögunni yrði vísað til bæjarráðs og fyrri tillögu hans yrði vísað frá.
Forseti bar upp að tillögunni yrði vísað til bæjarráðs.
Samþykkt með sjö atkvæðum.
Fundargerð samþykkt með sjö atkvæðum.

6. 1901005F - Bæjarstjórn Hornafjarðar - 258

Fundargerðin lögð fram til kynningar.

Almenn mál

7. 201901095 - Samþykkt um stjórn og fundarsköp sveitarfélagsins Hornafjarðar 2019

Bæjarráð samþykkti á fundi sínum þann 11. febrúar að vísa breytingum á samþykktum sveitarfélagsins til afgreiðslu bæjarstjórnar.

Forseti kynnti tillögu að breytingum á Samþykkt um stjórn og fundarsköp Sveitarfélagsins Hornafjarðar sem hefur verið tekin til endurskoðunar með hliðsjón af stefnu meirihlutans.
Þær efnislegu breytingar sem lagðar eru til varða grein 48 í samþykktunum. Atvinnumálanefnd og menningarmálanefnd verða sameinaðar og umhverfisnefnd og skipulagsnefnd verða einnig sameinaðar. Í sömu grein er bætt við kafla um undirnefndir, en þær eru ungmennaráð, öldungaráð og gjafa- og minningarsjóður Skjólgarðs.

Sæmundur E- lista bókaði að hann er á móti því að sameina umhverfisnefnd og skipulagsnefnd.
Páll Róbert tók undir bókun Sæmundar. Til andsvars kom Ásgerður.
Einnig til andsvars Ólöf I. Björnsdóttir.
Sæmundur tekur til máls öðru sinni.
Erla Þórhallsdóttir tók við fundarstjórn.
Til andsvars Ásgrímur Ingólfsson.
Ásgrímur tók við stjórn fundarinns.
Forseti lagði til að bæjarstjórn samþykki breytingar á samþykktum sveitarfélagsins og vísi þeim í aðra umræðu í bæjarstjórn.
Samþykkt með fjórum atkvæðum B- lista, á móti voru Sæmundur E- lista, Páll Róbert og Bryndís D- lista.

8. 201809084 - Aðalskipulagsbreyting: Þétting byggðar á Höfn

Björgvin gerði grein fyrir óverulegri breytingu á aðalskipulagi sveitarfélagsins 2012 -2020 vegna þéttingar byggðar í innbæ við Hríshól. Breytingin felst í að skilgreina sex nýjar lóðir undir einbýlishús og eina lóð undir raðhús.
Áætlað er að breytingin hafi lítil áhrif á nærliggjandi byggð. Björgvin lagði til að bæjarstjórn samþykki fyrirliggjandi óverulega breytingu á aðalskipulagi og vísi þeim í lögformlegt ferli skv. 2. mgr. 36. gr. skipulagslaga nr. 123/2010.