Forkeppni í Stíl á Höfn
Þann 17. febrúar var haldin hönnunarkeppni í Nýheimum. Um er að ræða forkeppni fyrir Stíl, en það er hönnunarkeppni sem fer fram árlega, þar sem keppa lið hönnuða hvaðanæva frá landinu.
Þemað í ár eru Gyðjur og goð og keppnin er haldin í Laugardalshöll þann 4. mars næstkomandi. Sunna Guðmundsdóttir nýsköpunarkennari sá um að halda utan um allsherjarverkefnið sem er Stíll-hönnunarsmiðjan. Þáttakendur voru nemendur í 8.-10. bekk Heppuskóla á Höfn. Alls tóku þátt sjö lið, en það voru tuttugu-og tveir hönnuðir í heildina og sjö módel. Veitt voru verðlaun fyrir þrjú efstu sætin – en einnig fyrir bestu hönnunarmöppuna, besta hárið og bestu förðunina.
Fyrsta sæti hlutu: Ingunn Ósk Grétarsdóttir, Íris Mist Björnsdóttir, Selma Mujkic og Vigdís María Geirsdóttir
Annað sæti: Ástrós Aníta Óskarsdóttir, Malín Ingadóttir og Margrét Líf Margeirsdóttir
Þriðja sæti: Nanna Guðný Karlsdóttir og Sara Kristín Kristjánsdóttir
Besta Hönnunarmappan: Arna Ósk Arnarsdóttir, Harpa Lind Helgadóttir, Hildur Margrét Björnsdóttir, Salvör Dalla Hjaltadóttir
Besta Hárið: Anna María Harðardóttir, Hafdís Jóhannesdóttir, Halldóra Jónsdóttir og Nína Dögg Jóhannsdóttir
Besta Förðunin: Nanna Guðný Karlsdóttir og Sara Kristín Kristjánsdóttir
Fyrsta sætið hlaut gyðjan Hulda, en hún er gyðja loftslags og hennar tilgangur er að minnka mengun á móðir Jörð. Keppnisliðið er síðan á leiðinni suður og tekur þátt í Stíl hönnunarkeppni Samfés, fyrir hönd félagsmiðstöðvarinnar Þrykkjan, þann 4. mars í Laugardalshöllinni. Við óskum þeim öllum góðs gengis!
Dómnefndin skipuðu þau Anna Björg textílkennari, förðunarfræðingur, Guðrún Ásdís atvinnuráðgjafi og verkefnastjóri hjá SASS og eigandi GASTU vörulínunnar, Sigurður Páll tónlistar- og myndlistakennari og Ragnheiður aðalhönnuður og sköpunargyðja Millibör.