|
|
| 1. 2508002F - Bæjarstjórn Hornafjarðar - 338 |
Mál tekið fyrir á mínútu 4:00 í upptöku.
|
| Lagt fram til umræðu og kynningar. |
|
|
|
| 2. 2508003F - Bæjarráð Hornafjarðar - 1184 |
Sigurjón Andrésson tók til máls undir lið númer 5 - Framkvæmd byggingar hjúkrunarheimilis.
Mál tekið fyrir á mínútu 4:15 í upptöku.
|
| Lagt fram til umræðu og kynningar. |
|
|
|
| 3. 2508006F - Bæjarráð Hornafjarðar - 1185 |
Tinna Rut Sigurðardóttir tók til máls undir lið númer 1: Velferðarnefnd - 43, lið nr. 1: Öldungaráð - 18, lið nr. 1 - Framtíðarsýn um málefni aldraðra 2026 - 2030.
Mál tekið fyrir á mínútu 7:25 í upptöku.
|
| Lagt fram til umræðu og kynningar. |
|
|
|
| 4. 2508011F - Bæjarráð Hornafjarðar - 1186 |
Guðrún Stefanía Vopnfjörð Ingólfsdóttir tók til máls undir lið númer 8 - Flugáætlun til Hornafjarðar veturinn 2025-2026 og lagði fram eftirfarandi bókun:
Bæjarstjórn áréttar að sveitarfélagið hefur reglulega átt samtöl við Vegagerðina um flugmálin, þar sem skýrt hefur komið fram vilji Hornafjarðar til að halda tíðni fluga en jafnframt auka sætaframboð.
Það eru vonbrigði að í september verði ekki boðið upp á neinar ferðir fram og til baka samdægurs. Hins vegar er jákvætt að frá 1. október til 31. maí verði mögulegt að fljúga fram og til baka á miðvikudögum. Þó ber að undirstrika að tímasetningar flestra ferða, um miðjan dag, nýtast samfélaginu illa þar sem miklu meira gagn er af flugi snemma morguns eða síðdegis.
Bæjarstjórn skilur að staðan er snúin fyrir Vegagerðina sem vinnur með þá fjármuni sem henni eru úthlutaðir, en ríkið þarf að gera betur. Flugþjónusta á borð við þessa skiptir samfélög eins og Hornafjörð grundvallarmáli og er stórt hagsmunamál fyrir íbúa, atvinnulíf og þjónustu.
Bæjarstjórn mun áfram, eins og hingað til, halda lifandi samtali við stjórnvöld og Vegagerðina og berjast fyrir hagsmunum Hornafjarðar.
Mál tekið fyrir á mínútu 10:30 í upptöku.
|
Forseti bar bókun Guðrúnar Stefaníu upp til atkvæða.
Samþykkt með sjö atkvæðum.
Lagt fram til umræðu og kynningar. |
|
|
|
| 5. 2509001F - Bæjarráð Hornafjarðar - 1187 |
Tinna Rut Sigurðardóttir tók til máls undir lið númer 11 - Aðalfundur Ríkis Vatnajökuls.
Mál tekið fyrir á mínútu 15:00 í upptöku.
|
| Lagt fram til umræðu og kynningar. |
|
|
|
|
|
| 6. 202502088 - Deiliskipulagsbreyting - Borgarhöfn 2-3 -Neðribæ, skemma |
Breyting á deiliskipulagi Borgarhafnar Neðribæjar var auglýst frá 22. júlí með athugasemdarfresti til 2. september 2025. Engar athugasemdir bárust.
Mál tekið fyrir á mínútu 17:00 í upptöku.
|
Forseti lagði til að bæjarstjórn samþykkti deiliskipulagsbreytingu fyrir Borgarhöfn Neðribæ í samræmi við 3. mgr. 41. gr. skipulagslaga nr. 123/2010 með fyrirvara um jákvæða umsögn Minjastofnunar.
Forseti bar tillöguna upp til atkvæða.
Samþykkt með sjö atkvæðum. |
| 112383-001-DSK-V03-Borgarhöfn.pdf |
| 112383-001-DSK-V01-Borgarhöfn.pdf |
|
|
|
| 7. 202010016 - Deiliskipulag: Heildarendurskoðun fyrir Skaftafell |
Lögð er fram tillaga að deiliskipulagi Skaftafells.
Mál tekið fyrir á mínútu 18:00 í upptöku.
|
Forseti lagði til að bæjarstjórn samþykkti að kynna tillöguna í samræmi við 4. mgr. 40. gr. skipulagslaga og að tillagan verði kynnt og afgreidd til auglýsingar í samræmi við 1. mgr. 41. gr. sömu laga að lokinni kynningu.
Tillagan borin upp til atkvæða.
Samþykkt með sjö atkvæðum. |
| A1468-010-D05 Deiliskipulag fyrir Skaftafell - Tillaga.pdf |
| A1468-011-D05 Skaftafell Deiliskipulagsuppdráttur A0L.pdf |
|
|
|
| 8. 202206023 - Stjórnsýsla - Umhverfis og skipulagsnefnd, framsal á valdi til fullnaðarafgreiðslu mála |
Lögð er fram tillaga að viðauka við samþykkt um stjórn og fundarsköp sveitarfélagsins varðandi framsal á valdi.
Markmið viðauka þessa er að stuðla að hagræðingu, skilvirkni og hraðari málsmeðferð skipulagsmála í sveitarfélaginu Hornafirði, með því að fela umhverfis- og skipulagsnefnd og skipulagsfulltrúa sveitarfélagsins tiltekin verkefni bæjarstjórnar og fullnaðarafgreiðslu einstakra mála er varða skipulagslög nr. 123/2010, sbr. 1. mgr. 42. gr. sveitarstjórnarlaga nr. 38/2011.
Eyrún Fríða Árnadóttir tók til máls.
Mál tekið fyrir á mínútu 18:50 í upptöku.
|
Forseti lagði til að bæjarstjórn samþykkti framlagðan viðauka við samþykkt um stjórn og fundarsköp sveitarfélagsins.
Tillagan borin upp til atkvæða.
Samþykkt með sjö atkvæðum.
|
| Viðauki 1..pdf |
|
|
|
| 9. 202502009 - Starfshópur um húsnæðismál Grunnskóla Hornafjarðar |
Erindisbréf starfshóps um húsnæðismál Grunnskóla Hornafjarðar lagt fram.
Mál tekið fyrir á mínútu 22:00 í upptöku.
|
Forseti lagði til að bæjarstjórn samþykkti erindisbréfið.
Erindisbréfið borið upp til atkvæða.
Samþykkt með sjö atkvæðum. |
| Hornafjörður - Erindisbréf starfshóps vegna húsnæðis GH.pdf |
|
|
|
| 10. 202508027 - Reglur um veitingu fjárstyrks til greiðslu lögmannsaðstoðar sbr.47.gr.barnaverndarlaga nr.802002 |
Lögð er fram tillaga að nýjum reglum um veitingu fjárstyrks til greiðslu lögmannsaðstoðar sbr. 47. gr. barnaverndarlaga nr. 80/2002 hjá Barnaverndarþjónustu Fjarðabyggðar og Sveitarfélagsins Hornafjarðar.
Mál tekið fyrir á mínútu 22:30 í upptöku.
|
Forseti lagði til að bæjarstjórn samþykkti reglur um veitingu fjárstyrks til greiðslu lögmannsaðstoðar.
Tillagan borin upp til atkvæða.
Samþykkt með sjö atkvæðum. |
|
|
|
| 11. 202501087 - Viðaukar við fjárhagsáætlun 2025 |
Viðauki 10 vegna leiðréttingar launa formanna nefnda og ráða afturvirkt um fjögur ár samkvæmt samþykkt um kjör fulltrúa Sveitarfélagsins Hornafjarðar að upphæð 9,465 m.kr lagður fram. Viðbótarfjárheimildum verður mætt með lántöku.
Mál tekið fyrir á mínútu 23:30 í upptöku.
|
Forseti lagði til að bæjarstjórn samþykkti viðauka 10 og bar hann upp til atkvæða.
Samþykkt með sjö atkvæðum. |
| FHÁ 25 Viðauki 10 - minnisblað.pdf |
| Viðauki_10.pdf |
|
|
|
