Bæjarstjóri

Sigurjón er fæddur árið 1970 og starfaði sem ráðgjafi hjá Góðum samskiptum og verkefnastjóri hjá Sveitarfélaginu Ölfusi. 

Sigurjón starfaði lengi vel sem stjórnandi hjá tryggingafélaginu Sjóvá, lengst af við kynningar- og markaðsmál ásamt öryggis- og forvarnamálum. Þá var hann framkvæmdastjóri markaðsmála hjá BL bílaumboði.

Sigurjón er iðnmenntaður í grunninn með diploma í mannauðsstjórnun frá Háskóla Íslands, alþjóðlega gráðu í verkefnastjórnun frá Bandaríkjunum og meistaragráðu í viðskiptafræði (MBA) frá Háskólanum í Reykjavík. 

Sigurjón hefur reynslu af sveitarstjórnarmálum hann var í framboði fyrir T listann í Flóanum. 

Sigurjón er giftur Margréti Söru Guðjónsdóttur kennara við Menntaskólann í Reykjavík og eiga þau tvær dætur, 22 og 24 ára.

Það er hægt að bóka fund með Sigurjóni í afgreiðslu sveitarfélagsins á netfangið afgreidsla@hornafjordur.is eða í síma 470 8000.