|
|
| 1. 202510014 - Óleyst atriði varðandi fyrirkomulag úrgangsmála við Hringrás |
Tekið er fyrir minnisblað vegna fundar með Hringrás varðandi rekstur móttökustöðvar. Jafnframt er gerð grein fyrir fyrirhuguðum framkvæmdum við móttökustöð.
|
| Starfsmanni falið að vinna áfram í málinu. |
|
|
|
| 2. 202601013 - Samþykkt um meðhöndlun úrgangs í Sveitarfélaginu Hornafirði 2026 |
Minnisblað vegna nýrrar samþykktar um meðhöndlun úrgangs í Sveitarfélaginu Hornafirði tekið fyrir.
Með uppfærðri samþykkt er stefnt að því að tryggja samræmi við gildandi löggjöf, endurspegla breytta framkvæmd í úrgangsmálum og veita skýrari leiðbeiningar fyrir íbúa, atvinnurekstur og sveitarfélagið sjálft.
|
| Lagt fram til kynningar. |
|
|
|
| 3. 202502067 - Áætluð verkefni vegna umhverfismála 2026 |
Verkefni vegna umhverfismála fyrir árið 2026 lögð fram.
|
| Lagt fram til kynningar. |
|
|
|
| 4. 202601108 - Umhverfisviðurkenning 2025 |
Fyrirhuguð veiting umhverfisviðurkenningar fyrir árið 2025 tekin fyrir.
|
| Umhverfis- og skipulagsnefnd felur starfsmanni að auglýsa eftir tilnefningum einstaklinga og fyrirtækja/ stofnana sem hafa unnið ötullega að umhverfis- og loftslagsmálum í sveitarfélaginu. Horft verði til breytinga sem viðkomandi hafi gert á sinni starfsemi eða heimilishaldi í þeim tilgangi að draga úr áhrifum á umhverfi og loftslag. |
|
|
|
| 5. 202601049 - Stjórnsýslukæra UUA2601001 framkvæmdaleyfi jarðtæknirannsóknir Hoffelli |
Lögð er fram stjórnsýslukæra vegna ákvörðun sveitarfélagsins um að samþykkja umsókn um framkvæmdarleyfi fyrir jarðtæknirannsóknum við Hoffelslón.
|
| Lagt fram til kynningar. |
|
|
|
| 6. 202601070 - Stjórnsýslukæra UUA2601006 Byggingarheimild Skaftafell 3C |
Lögð er fram stjórnsýslukæra vegna ákvörðun byggingarfulltrúa sveitarfélagsins um að veita byggingarheimild fyrir byggingu 13 gistihúsa að Skaftafelli 3C í Öræfum.
|
| Lagt fram til kynningar. |
|
|
|
| 7. 202401096 - Skriða - Breyting á aðalskipulagi |
Erindi vegna aðalskipulgasbreytingar að Skriðu tekið fyrir. Málsaðili óskar eftir að vinna vegna breytingar verði tekin inn í heildarendurskoðun aðalskipulags sveitarfélagsins sem er yfirstandandi.
|
| Umhverfis- og skipulagsnefnd getur ekki samþykkt ósk málsaðila þar sem svör liggja ekki fyrir vegna athugasemda og spurninga sem lagðar hafa verið fram. Því liggur umfang verkefnisins ekki fyrir að svo stöddu. |
|
|
|
| 8. 202512090 - Breyting á deiliskipulagi miðsvæðis |
Tekin er fyrir tillaga að breytingu á deiliskipulagi miðsvæði, skóla- og íþróttasvæði. Breytingin felur í sér að lóðin að Hafnarbraut 40b er tekin út.
|
Starfsmanni falið að grenndarkynna breytingu í samræmi við 2. mgr. 43. gr. skipulagslaga nr. 123/2010.
|
|
|
|
| 9. 202511061 - Breyting á deiliskipulagi Nýtt verslunar og þjónustu svæði á Höfn |
Óveruleg breyting á deiliskipulagi verslunar- og þjónustusvæðis á Höfn tekin fyrir.
|
| Starfsmanni falið að vinna áfram í málinu í samræmi við umræður á fundinum. |
|
|
|
| 10. 202010016 - Deiliskipulag Heildarendurskoðun fyrir Skaftafell |
Vinnslutillaga að heildarendurskoðun deiliskipulags í Skaftafelli var auglýst frá 22. september til 3. nóvember 2025. Um er að ræða nýtt deiliskipulag sem fellir hið fyrra úr gildi. Ekki er um að ræða róttæka breytingu á fyrirkomulagi mannvirkja og aðstöðu. Skerpt er á stefnumörkun um ýmis atriði en helstu breytingar felast í rýmkuðum byggingarreit fyrir gestastofu og breyttu fyrirkomulagi starfsmannaíbúða í Sandaseli.
|
| Helga Árnadóttir vék af fundi undir þessum lið. Umsagnir bárust vegna vinnslutillögu og hefur verið brugðist við þeim. Umhverfis- og skipulagsnefnd leggur til að tillagan verði kynnt í samræmi við 4. mgr. 40. gr. skipulagslaga og leggur til við bæjarstjórn að hún verði auglýst til umsagnar skv. 1. mgr. 41. gr. sömu laga. |
| A1468-011-D06 Deiliskipulag fyrir skaftafell - uppdráttur til auglýsingar.pdf |
| A1468-010-D06 Deiliskipulag fyrir Skaftafell - Tillaga til auglýsingar.pdf |
|
|
|
| 11. 202301036 - Hornafjörður náttúrulega |
Kynningu og samráði vegna endurskoðaðrar stefnu sveitarfélagsins, Hornafjörður Náttúrulega!, er nú lokið eftir fjögurra vikna kynningar- og umsagnaferli. Lagt fram til umræðu og umfjöllunar.
|
| Lokadrög lögð fram til kynningar. |
| HORNAFJÖRÐUR, NÁTTÚRLEGA! STEFNA 2025 - 07.01.26.pdf |
|
|
|
| 12. 202510087 - Umsókn um byggingarheimild - Hjarðarnes, Fóðrunarhús |
Tekin er fyrir umsókn um byggingu um 250 m² fóðrunarhúss í Hjarðarnesi. Fyrirhuguð áform eru ekki í samræmi við skilmála deiliskipulags sem nær yfir lóðina.
Grenndarkynning hefur farið fram
|
| Umhverfis- og skipulagsnefnd gerir ekki athugasemd við útgáfu byggingarleyfis. |
|
|
|
| 13. 202409091 - Umsókn um byggingarheimild - Hagatún 14, garðhús |
Grenndarkynning hefur farið fram, engar ath. bárust.
|
| Umhverfis- og skipulagsnefnd gerir ekki athugasemd við útgáfu byggingarleyfis. |
|
|
|
| 14. 202510130 - Hraunhóll 4 - tilkynning um framkvæmdir undanþegnar byggingarleyfi |
Tekin eru fyrir áform vegna um 15 m² viðbyggingar við Hraunhól 4.
|
Elías Tjörvi Halldórsson vék af fundi undir þessum lið.
Umhverfis- og skipulagsnefnd heimilar viðbyggingu í samræmi við framlögð gögn. Í samræmi við 3. málsgr. 43. gr. skipulagslaga er fallið frá grenndarkynningu enda muni hagsmunir nágranna ekki skerðast hvað varðar landnotkun, útsýni, skuggavarp eða innsýn. |
|
|
|
| 15. 202510031 - Fyrirspurn til Umhverfis- og skipulagsnefndar - Hafnarbraut 13-Atvinnuhúsnæði |
Lögð eru fram drög að útliti og staðsetningu fyrirhugaðrar byggingar að Hafnarbraut 13. Óskað er eftir afstöðu nefndar við framlögðum áformum. Lóðin er staðsett á miðsvæði M1 en ekki liggur fyrir deiliskipulag sem nær yfir svæðið. Í aðalskipulagi Hornafjarðar kemur fram að "Við skipulag og byggingu svæðisins skal leggja áherslu á að styrkja heildaryfirbragð byggðarinnar, fylla í bæjarmyndina svo hún verði samfelld. Meðfram Hafnarbraut frá Bogaslóð að Hafnarvík skal virða byggðarmynstur gömlu byggðarinnar og byggja á forsendum hennar. Íbúðabyggð með ívafi verslunar, þjónustu og menningarstarfs. Byggingar á einni til tveimur hæðum."
|
Í tillögunni er byggingareitur alveg upp við gangstétt Hafnarbrautar. Meirihluti nefndar telur staðsetninguna þrengja að götumynd, skapa ónæði fyrir þau sem dvelja í húsinu og rýra umferðaröryggi á gatnamótum Bogaslóðar og Hafnarbrautar. Meirihluti nefndarinnar setur því sem skilyrði að byggingarreitur sé a.m.k. 1,5 m frá núverandi gangstétt.
Hjördís Edda Olgeirsdóttir leggur fram sérbókun:
Hjördís bendir á að staðsetning húsa við Hafnarbraut á þessu svæði er mjög breytileg þar sem m.a. annað hús er alveg upp við gangstétt, þá séu þau rök ekki næg til að fara fram á breytingar. Hjördís tekur undir sjónarmið vegna umferðaröryggis en telur að það sé hægt að útfæra lausn á því.
Starfsmanni falið að grenndarkynna uppfærð áform skv. ákvörðun meirihluta nefndar í samræmi við 44. gr. skipulagslaga. |
|
|
|
