Tillaga að breytingu á Aðalskipulagi Hornafjarðar og deiliskipulag þétting byggðar í Innbæ
Bæjarstjórn Hornafjarðar auglýsir hér með tillögu að breytingu á Aðalskipulagi Hornafjarðar 2012-2030 og tillögu að deiliskipulagi samkvæmt 1. mgr. 36. gr. og 3. mgr. 40. gr. skipulagslaga nr. 123/2010.
Markmið með breytingunni er að
þétta byggð í Innbæ, hún skal vera í samræmi við núverandi byggð hvað varðar
tegundir, stærðir, þéttleika og ásýnd byggðar. Með þéttingu byggðar skal
tryggja gönguleiðir að opnum svæðum.
Þétting byggðar tekur til nýrra lóða,
auk aðliggjandi byggðra lóða við Silfurbraut og Hvannabraut. Ekkert
deiliskipulag er í gildi fyrir svæðið. Í deiliskipulaginu er gert ráð fyrir
íbúðarlóðum fyrir einbýlishús og raðhús. Svæðið er auðkennt sem íbúðarsvæði ÍB9
í aðalskipulagi.
Tillögurnar verða til sýnis á bæjarskrifstofum að Hafnarbraut 27 frá og með fimmtudeginum 19. desember nk. til mánudagsins 3. febrúar 2020 og hjá Skipulagsstofnun að Borgartúni 7b 105 Reykjavík
Aðalskipulag greinargerð - uppdráttur
Deiliskipulag greinargerð - uppdráttur
Þeim sem telja sig eiga hagsmuna að gæta er hér með gefinn kostur á að gera athugasemdir við tillögur til mánudagsins 3. febrúar 2020. Skila skal athugasemdum á bæjarskrifstofur Hornafjarðar, Hafnarbraut 27.
Gunnlaugur Róbertsson, skipulagsstjóri