Haldinn í ráðhúsi, 16.11.2017 og hófst hann kl. 16:00
Fundinn sátu: Sæmundur Helgason formaður, Lovísa Rósa Bjarnadóttir varaformaður, Ásgerður Kristín Gylfadóttir aðalmaður, Björn Ingi Jónsson bæjarstjóri,
Fundargerð ritaði: Björn Ingi Jónsson, bæjarstjóri
Dagskrá:
Fundargerð
1. 1711009F - Félagsmálanefnd Hornafjarðar - 289
Farið yfir fundargerð. Fundargerð samþykkt.
2. 1711006F - Fræðslu- og tómstundanefnd - 39
Farið yfir fundargerð. Rætt um skólaakstur og upphaf skóla. Farið yfir mönnunarmál á leikskólanum Sjónarhól. Bæjarráð hrósar ungmennaráði fyrir vel heppnað ungmennaþing og það verður fróðlegt að fylgjast með framvindu mála sem þar komu fram. Fundargerð samþykkt.
Gestir
Ragnhildur Jónsdóttir fræðslustjóri
Almenn mál
3. 201711023 - Þjónusta við fjölskyldur af erlendum uppruna
Borist hefur umsókn frá þroskaþjálfa með meistaragráðu í uppeldissálfræði og reynslu af vinnu með innflytjendum. Fræðslustjóri fór yfir að það vantar í 50% stöðu í stoðþjónustu innan leikskólans og þörf sé fyrir að efla þjónustu við fólk að erlendum uppruna. Bæjarráð felur fræðslustjóra að útfæra málið með félagsmálastjóra.
Gestir
Ragnhildur Jónsdóttir fræðslustjóri
Lovísa Rósa Bjarnadóttir vék af fundi undir þessum lið.
4. 201701040 - Stuðningur við foreldra barna sem komast ekki inn á leikskóla.
Fræðslustjóri fór yfir málið. Bæjarráð samþykkir að fella út ákvæði um hámarksaldur í reglum um foreldragreiðslur. Reglurnar falla úr gildi 15. júlí 2018.
Gestir
Ragnhildur Jónsdóttir fræðslustjóri
Lovísa Rósa Bjarnadóttir tók aftur sæti á fundinum.
Í 2. lið fundargerðar kemur fram að Nýheimar þekkingarsetur hefur tekið yfir þjónustu við háskólanema sem áður var á könnu Háskólafélags Suðurlands. Bæjarráð velti upp hver þjónusta Háskólafélags Suðurlands er hér á svæðinu eftir þessa breytingu og framhaldi sveitarfélagsins á eignarhlut í háskólafélaginu. Bæjarstjóra falið að ræða við forsvarsmenn Háskólafélags Suðurlands um málið.
