|
|
| 1. 2509004F - Umhverfis- og skipulagsnefnd - 102 |
Fundargerð umhverfis- og skipulagsnefndar númer 102 lögð fram.
|
| Lagt fram til kynningar. |
|
|
|
|
|
| 2. 202509041 - Nýheimar - nýting, breytingar og skipulag |
Sviðsstjórar stjórnsýslu- og fjármálasviðs ásamt byggða- og nýsköpunarfulltrúa sveitarfélagsins hafa á undanförnum misserum unnið að endurskipulagningu og eflingu Nýheima. Í þeirri vinnu eru til skoðunar m.a. eftirfarandi þættir: nýting hússins, rekstur og rekstrarkostnaður, hagræðing á úrræðum sveitarfélagsins vegna starfa án staðsetningar, auk tækifæra til nýsköpunar og annarra tengdra verkefna. Lagðar eru fram athugasemdir notenda á vesturgangi við hugmyndir að framkvæmdum þar auk þess sem upplýst er frekar um þá vinnu sem stendur yfir í tengslum við fjárhagsáætlanagerð, eignaskiptayfirlýsingu og þær hugmyndir sem komið hafa fram hingað til.
|
Guðrún Stefanía Vopnfjörð Ingólfsdóttir vék af fundinum undir þessum lið.
Hjördís Edda Olgeirsdóttir tók við stjórn fundarins.
Bæjarráð lýsir yfir ánægju með áætlun um að færa aðstöðu fyrir störf án staðsetningar og frumkvöðla í Nýheima og efla þannig starfsemi í húsinu. Sviðsstjóra stjórnsýslusviðs falið að vinna áfram að málinu. |
|
| |
| Gestir |
| Jóna Benný Kristjánsdóttir, sviðsstjóri stjórnsýslusviðs |
|
|
| 3. 202412030 - Samþykkt um kjör fulltrúa Sveitarfélagsins Hornafjarðar |
Sviðsstjóri stjórnsýslusviðs leggur fram minnisblað vegna samþykktar um kjör fulltrúa Sveitarfélagsins Hornafjarðar vegna funda og ráðstefna. Í samþykktinni er kveðið á um að formenn nefnda og ráða fái mánaðargreiðslur fyrir störf sín auk greiðslna fyrir setna fundi. Í tengslum við fjárhagsáætlanagerð fyrir árið 2025 er óskað eftir afstöðu bæjarráðs til þess hvort ætlunin sé að halda þessum mánaðargreiðslum (í ljósi þess að ekki hafði verið gert ráð fyrir þeim amk síðastliðin 6 ár) eða hvort vilji sé til að breyta samþykktinni.
|
| Sviðsstjóra stjórnsýslusviðs falið að vinna málið áfram. |
|
| |
| Gestir |
| Jóna Benný Kristjánsdóttir, sviðsstjóri stjórnsýslusviðs |
|
|
| 4. 202402092 - Krafa fjármála- og efnahagsráðuneytisins um þjóðlendur á svæði 12 |
Íslenska ríkið hefur í endurskoðun kröfugerðar í þjóðlendukröfum vegna eyja og skerja ákveðið að falla frá kröfum í eyjar og sker fyrir landi jarða, þar sem kröfulýsingar landeigenda komu fram. Rétt er að geta þess að lögmaður okkar Jón Jónsson á Sókn fór í ítarlegar rannsóknir á málinu sem höfðu mikil áhrif á framvindu málsmeðferðar og afstöðu óbyggðanefndar. Hjálagt til kynningar er bréf frá lögmanni ríkisins um niðurstöðu endurskoðunar krafna ríkisins.
|
| Lagt fram til kynningar |
|
| |
| Gestir |
| Jóna Benný Kristjánsdóttir, sviðsstjóri stjórnsýslusviðs |
|
|
| 5. 202502027 - Störf í Gömlu búð |
Ósk um áframhaldandi fjármögnun fyrir kvöld- og helgarvaktir í Gömlubúð.
|
Bæjarráð samþykkir að leita áframhaldandi fjármögnun fyrir kvöld og helgar í Gömlubúð út árið 2025. Málinu vísað til mats á fjárhagslegum áhrifum og til viðaukagerðar sé þess þörf.
Samþykkt samhljóða. |
|
| |
| Gestir |
| Kristín Vala Þrastardóttir - Forstöðumaður menningarmiðstöðvar |
|
|
| 6. 202507061 - Tímabundin undanþága frá hæfisskilyrðum skipulagsfulltrúa |
Elín Ríta Sveinbjörnsdóttir, sem gegnt hefur starfi skipulagsfulltrúa sveitarfélagsins Hornafjarðar fyrir hönd verkfræðistofunnar Eflu, hefur sagt upp samningi sínum. Uppsögnin tekur gildi þann 1. október nk.
Starf deildarstjóra skipulags-, umhverfis- og byggingardeildar, sem jafnframt er skipulagsfulltrúi sveitarfélagsins, hefur verið auglýst laust til umsóknar þrisvar sinnum á undanförnum mánuðum:
Frá 25. júní til 3. júlí sl.
Frá 10. júlí til 21. ágúst sl.
Frá 29. ágúst til 14. september sl.
Enginn þeirra sem sóttu um starfið uppfyllti hæfisskilyrði skipulagslaga. Sveitarfélagið hefur því óskað eftir tímabundinni undanþágu frá hæfisskilyrðum skipulagsfulltrúa hjá félags- og húsnæðismálaráðherra, sbr. 6. mgr. 7. gr. skipulagslaga nr. 123/2010.
|
| Lagt fram til kynningar. |
|
| |
| Gestir |
| Bartek Andersson Kass- Sviðstjóri Mannvirkjasviðs |
|
|
| 7. 202509054 - Ósk um lóðarvilyrði - Óslandi 1 |
Orka nátturunnar sækir um lóðarvilyrði fyrir lóð Óslandsvegi 1 fyrir hleðsluinnviði. Fyrirtækið sótti um breytingu á deiliskipulagi sem hefur verið í auglýsingu undanfarið.
|
| Bæjarráð felur starfsmönnum að skoða aðrar tillögur að staðsetningu í samráði við umsækjanda. |
|
| |
| Gestir |
| Bartek Andersson Kass- Sviðstjóri Mannvirkjasviðs |
|
|
| 8. 202509039 - Snjóruðningur við Víkurbraut 30, Ekru |
Lagt fram erindi frá Húsfélaginu Víkurbraut 30, dags. 21. ágúst 2025, varðandi snjóruðning og hálkuvarnir, þar sem óskað er eftir því að Sveitarfélagið Hornafjörður annist áfram snjóruðning og hálkuvarnir á bílastæðum og snúningssvæði (hringtorgi) á lóð félagsins. Helstu rök félagsins eru eftirfarandi:
-Snúningssvæðið er nýtt af allri umferð sem ekur til enda Víkurbrautar.
-Bílastæðin eru nær eingöngu nýtt af starfsfólki og gestum opinberra stofnana á borð við Heilsugæslu, hjúkrunarheimilið Skjólsgarð og dagþjónustu sem rekin er af sveitarfélaginu á neðstu hæð hússins.
-Húsfélagið telur sig ekki hafa burði til að bera ábyrgð eða kostnað af verkinu.
|
| Bæjarráð felur Umhverfis- og framkvæmdasviði að annast snjóruðning og hálkuvarnir á lóðinni vegna aðkomu að mikilvægum opinberum stofnunum og notkunar af almennri umferð. |
|
| |
| Gestir |
| Bartek Andersson Kass- Sviðstjóri Mannvirkjasviðs |
|
|
| 9. 202501020 - Útboð - Hreinsivirki í Holti |
Sveitarfélagið hefur leitað tilboð í verk Holt fráveita. Um er að ræða 1. áfanga uppbyggingar nýs fráveitukerfis fyrir nýlega deiliskipulagt hverfi við Holt á Mýrum. Núverandi félagsheimili, Holt, ásamt núverandi einbýlishúsum að Smiðsholti 12 og Kyljuholti 1 verða tengd fráveitukerfinu, ýmist í þessum áfanga eða í seinni áfögnum.
Kostnaðaráætlun verkefnis var 9.274.073 kr.
Eftirfarandi tilboð bárust sveitarfélaginu:
1. Rósaberg ehf. - 7.647.882 kr., þ.e. 82,47% af kostnaðaráætlun
2. Skaftverk ehf. - 7.693.108 kr., þ.e. 82,95% af kostnaðaráætlun
3. Gröfuþjónusta Olgeirs ehf. - 8.253.405 kr., þ.e. 88,99% af kostnaðaráætlun
|
Hjördís Edda Olgeirsdóttir vék af fundinum undir þessum lið.
Bæjarráð samþykkir tilboð lægstbjóðanda Rósaberg ehf. með fyrirvara um samþykki landeigenda og felur starfsmönnum umhverfis- og framkvæmdasviðs að ganga til verksamninga, þegar samstarfssamningur við landeigendur verði tilbúinn.
Jafnramt leggur bæjarráð til við umhverfis- og skipulagsnefnd að athuga hvort gera þurfi breytingar á deiliskipulagi Holts á Mýrum til að nýta innviði betur. |
|
| |
| Gestir |
| Bartek Andersson Kass- Sviðstjóri Mannvirkjasviðs |
|
|
| 10. 202501087 - Viðaukar við fjárhagsáætlun 2025 |
Viðauki 11 vegna uppbyggingu fráveitu í Holti og Kyljuholti að upphæð 7,648 m.kr. lagður fram. Viðbótarfjárheimildum verður mætt með lántöku.
|
Bæjarráð gerir ekki athugasemd við viðauka 11 og vísar honum til afgreiðslu bæjarstjórnar.
Samþykkt samhljóða. |
|
| |
| Gestir |
| Valdís Ósk Sigurðardóttir- fjármálastjóri |
|
|
| 11. 202509060 - Uppbygging miðbæjar á Höfn |
Sveitarfélagið Hornafjörður stendur nú frammi fyrir einstöku tækifæri með uppbyggingu nýs miðbæjar á Höfn. Með samkomulagi við Landsbyggð ehf., sem er sérhæft þróunar- og fasteignafélag með mikla reynslu af uppbyggingar- og umbreytingarverkefnum á landsbyggðinni, skapast raunhæfur grundvöllur fyrir metnaðarfulla og samræmda þróun svæðisins.
Samkomulagið felur í sér að Landsbyggð tekur að sér skipulag og heildarhönnun svæðisins, á sinn kostnað, í nánu samstarfi við sveitarfélagið og aðra lóðarhafa. Lögð er áhersla á að verkefnið verði unnið í anda samráðs og að íbúar fái beint aðkomu að ákvörðunum með kynningum og íbúakosningu.
Þessi uppbygging hefur mikið gildi fyrir samfélagið í Hornafirði - bæði til framtíðar í atvinnu- og þjónustuuppbyggingu og sem áfangastaður fyrir íbúa og gesti. Með Landsbyggð ehf. fáum við til liðs við okkur öflugan samstarfsaðila sem hefur sannað sig víða um land og getur skapað verðmæti með fagmennsku, tengslaneti og fjárhagslegri getu.
|
| Bæjarráð felur bæjarstjóra að halda áfram vinnu við málið í samræmi við umræður á fundinum og framlagt samkomulag. |
|
|
|
| 12. 202508013 - Fjárhagsáætlun 2026 |
Álagningaráætlun lögð fram.
|
| Lagt fram til kynningar. Fjármálastjóra falið að vinna málið áfram. |
|
| |
| Gestir |
| Valdís Ósk Sigurðardóttir- fjármálastjóri |
|
|
| 13. 202502009 - Starfshópur um húsnæðismál Grunnskóla Hornafjarðar |
Fundargerð stýrihóps um húsnæðismál Grunnskóla Hornafjarðar númer 1 lögð fram.
|
| Lagt fram til kynningar. |
| 1. fundur fimmtudaginn 18. september 2025 (1).pdf |
|
| |
| Gestir |
| Þórgunnur Torfadóttir- sviðsstjóri fræðslu- og frístundasviðs |
|
|
| 14. 202502009 - Starfshópur um húsnæðismál Grunnskóla Hornafjarðar |
Ósk um aukafjárveitingu vegna skólaheimsókna.
|
| Sviðsstjóra fræðslu- og frístundasviðs falið að vinna málið áfram. |
|
| |
| Gestir |
| Þórgunnur Torfadóttir- sviðsstjóri fræðslu- og frístundasviðs |
|
|
| 15. 202309054 - Ársfundur Jöfnunarsjóðs sveitarfélaga |
Ársfundur Jöfnunarsjóðs sveitarfélaga verður haldinn miðvikudaginn 1. október næstkomandi.
|
| Lagt fram til kynningar. |
|
|
|
| 16. 202502013 - Fundargerðir Sambands íslenskra sveitarfélaga 2025 |
Fundargerð 984. fundar stjórnar Sambandsins frá 12. september 2025 lögð fram.
|
| Lagt fram til kynningar. |
| stjórn Sambands íslenskra sveitarfélaga - 984.pdf |
|
|
|
