Erindi frá Gunnari Stíg Reynissyni þar sem hann bendir að manngerða víkin við Ránarslóð hefur ekkert nafn og er með hugmynd um að sveitarfélagið standi fyrir nafnasamkeppni um nafn á víkinni.
Málinu vísað til umhverfis- og skipulagsnefndar.
4. 202106002 - Ályktun vegna fasteignamats 2022
Stjórn Félags atvinnurekenda skorar á sveitarfélög að lækka álagningarprósentu fasteignaskatts á atvinnuhúsnæði við gerð fjárhagsáætlana fyrir næsta ár til að bregðast við miklum hækkunum fasteignamats fyrir árið 2022.
Bæjarráð rýnir álagningaprósentu fasteignaskatts í tengslum við fjárhagsáætlunargerð á hverju ári. Fyrir árið 2021 var tekin ákvörðun um að lækka álagningahlutfall fasteignaskatts á atvinnuhúsnæði og einnig á íbúðarhúsnæði. Bæjarráð mun sem fyrr rýna álagningaprósentuna við fjárhagsáætlunarvinnu fyrir árið 2022.
5. 202102033 - Reglur um gáma, báta og aðra lausafjármuni í Sveitarfélaginu Hornafirði
Drög að reglum um gáma, báta og aðra lausafjármuni í sveitarfélaginu hafa fengið umfjöllun í umhverfis- og skipulagsnefnd.
Bæjarráð samþykkir reglurnar og vísar þeim til bæjarstjórnar.
6. 202105087 - Fyrirspurn - Malbikað bílastæði við smábátahöfn
Erindi frá Nínu Sibyl Birgisdóttur þar sem hún bendir á að planið við smábátarbryggjuna sé orðið mjög blautt og komin tími til að malbika það. Erindið var lagt fyrir hafnarstjórn sem óskaði eftir kostnaðargreiningu á framkvæmdinni og lagði áherslu á að svæðið verði malbikað í haust.
Bæjarráð tekur undir bókun hafnarstjórnar og felur starfsmönnum að kostnaðarmeta framkvæmdina.
7. 202103066 - Samstarfsyfirlýsing um uppbyggingu á íbúðum á Höfn
Bæjarstjóri upplýsti um stöðu mála.
8. 202106022 - Stækkun Vatnajökulsþjóðgarðs á suðursvæði.
Björgvin Ó. Sigurjónsson vék af fundi undir þessum lið. Erindi frá umhverfis- og auðlindaráðuneytinu þar sem óskað er eftir afstöðu og samþykki Sveitarfélagsins Hornafjarðar um að hluti ríkisjarðarinnar Sandfells og þjóðlendan Hoffellslambatungur verði friðlýst sem hluti Vatnajökulsþjóðgarðs. Fyrirhuguð breyting á reglugerð um Vatnajökulsþjóðgarð nr. 300/2020 verður auglýst í samráðsgátt Stjórnarráðsins.
Bæjarráð gerir ekki athugasemd við stækkun þjóðgarðsins sem þessu nemur. Áréttað að nytjar verði með óbreyttum hætti og fjármagn fylgi til nauðsynlegrar uppbyggingar innviða á svæðinu.
9. 202106020 - Ósk um styrk - SEM Samtökin
Bæjarráð samþykkir að veita SEM samtökunum styrk að upphæð 50.000 kr. sem verður tekið af óráðstöfuðu.
