|
|
| 1. 2409006F - Bæjarráð Hornafjarðar - 1143 |
Ásgerður Kristín Gylfadóttir tekur til máls undir lið númer 14: Fjallamennskunám.
Mál tekið fyrir á mínútu 0:00 í upptöku.
|
Forseti bar fundargerðina upp til atkvæða.
Samþykkt með sjö atkvæðum. |
|
|
|
| 2. 2409014F - Bæjarráð Hornafjarðar - 1144 |
Ásgerður Kristín Gylfadóttir tók til máls undir lið númer 4: Íþróttahús - hönnun. Til andsvars Sigurjón Andrésson. Guðrún Stefanía Vopnfjörð Ingólfsdóttir til andsvars. Ásgerður Kristín Gylfadóttir til andsvars.
Mál tekið fyrir á mínútu 7:55 í upptöku.
|
Forseti bar fundargerðina upp til atkvæða.
Samþykkt með sjö atkvæðum. |
|
|
|
| 3. 2409019F - Bæjarráð Hornafjarðar - 1145 |
Guðrún Stefanía Vopnfjörð Ingólfsdóttir tók til máls undir liðum númer 2,3 og 4: fundargerðir íbúaráða.
Björgvin Óskar Sigurjónsson tók til máls.
Hjördís Edda Olgeirsdóttir tók til máls undir lið númer 1: Fundargerð atvinnu- og menningarmálanefndar númer 67: liður númer 8: Atvinnu- og rannsóknasjóður. Staða sjóðsins og styrkverkefna.
Ásgerður Kristín Gylfadóttir tók til máls undir lið númer 1: Fundargerð atvinnu- og menningarmálanefndar númer 67: liður númer 8: Atvinnu- og rannsóknasjóður. Staða sjóðsins og styrkverkefna.
Mál tekið fyrir á mínútu 18:30 í upptöku.
|
Forseti bar fundargerðina upp til atkvæða.
Samþykkt með sjö atkvæðum. |
|
|
|
| 4. 2410002F - Bæjarráð Hornafjarðar - 1146 |
Sigurjón Andrésson tók til máls undir lið númer 11: Framkvæmd - Hagahverfi (ÍB5), innviðauppbygging, undirbúningur.
Mál tekið fyrir á mínútu 26:30 í upptöku.
|
Forseti bar fundargerðina upp til atkvæða.
Samþykkt með sjö atkvæðum. |
|
|
|
| 5. 2410004F - Bæjarráð Hornafjarðar - 1147 |
Mál tekið fyrir á mínútu 30:20 í upptöku.
|
Forseti bar fundargerðina upp til atkvæða.
Samþykkt með sjö atkvæðum. |
|
|
|
| 20. 2408007F - Bæjarstjórn Hornafjarðar - 326 |
Lagt fram til kynningar.
|
Forseti lagði til að bæta fundargerð bæjarstjórnar númer 326 við dagskrá fundarinns. Samþykkt með sjö atkvæðum.
|
|
|
|
|
|
| 6. 202305061 - Umsókn um breytingu aðalskipulags í landi Hofs í Öræfum og landskipti |
Lögð er fram tillaga að breytingu aðalskipulags Sveitarfélagsins Hornafjarðar 2012-2030 vegna nýs verslunar- og þjónustusvæðis við Hvalvörðugilslæk sem auglýst var í Lögbirtingablaðinu, skipulagsgátt mál númer 626/2024 og á heimasíðu sveitarfélagsins frá 11. júlí til 30. ágúst 2024. Samhliða var auglýst deiliskipulag fyrir svæðið. Umsagnir bárust frá Veðurstofu Íslands og Minjastofnun Íslands.
Mál tekið fyrir á mínútu 31:00 í upptöku.
|
Forseti lagði til að bæjarstjórn samþykkti breytingu á aðalskipulagi samkvæmt 32. gr. skipulagslaga.
Forseti bar tillöguna upp til atkvæða.
Samþykkt með sjö atkvæðum. |
|
|
|
| 7. 202307059 - Umsókn um byggingarheimild - Stafafellsfjöll 1D, frístundahús og gestahús |
Hafin er bygging sumarhúss á lóð 1D í Stafafellsfjöllum. Óskað er eftir undanþágu á deiliskipulagi frístundasvæðis í Stafafellsfjöllum í Lóni. Breytingin nær til lóðar nr. 1D í Stafafellsfjöllum. Óskað var eftir áliti landeigenda. Birkir Birgisson mætti á fund umhverfis- og skipulagsnefndar og gerði grein fyrir afstöðu landeigenda á Brekku. Aðrir landeigendur sendu skrifleg svör.
Mál tekið fyrir á mínútu 32:15 í upptöku.
|
Forseti lagði til að bæjarstjórn samþykkti að veita undanþágu frá tilmælum um mænistefnu í skilmálum deiliskipulags frístundasvæðis í Stafafellsfjöllum í Lón í samræmi við 3. málsgrein 43. greinar skipulagslaga númer 123/2010 þar sem um svo óverulegt frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn. Mælst er til þess að við frágang húss og lóðar verði litaval þannig að húsið falli vel að umhverfinu.
Forseti bar tillöguna upp til atkvæða.
Samþykkt með sjö atkvæðum. |
|
|
|
| 8. 202409110 - Byggingarleyfisumsókn - Svínafell 1 í Öræfum, breytingar á fjósi og hlöðu |
Sótt er um breytingar á landbúnaðarmannvirkjum í Svínafelli 1. Framkvæmdin snýr að breytingu á fjósi og hlöðu í tvær u.þ.b. 20 m2 studio íbúðir, um 70 m2 viðburðarými, salerni fyrir viðburðarýmið og lítið iðnaðareldhús. Framkvæmdin inniheldur stækkun á bílastæði við bygginguna og nýja rotþró. Minniháttar breytingar verða utan á byggingunni, en breytingar á dyrum og gluggum verða nokkrar og húsið verður líklega klætt að utan. Ekki er til gildandi deiliskipulag, en samkvæmt aðalskipulagi er svæðið á verslunar- og þjónustusvæði VÞ32.
Mál tekið fyrir á mínútu 34:10 í upptöku.
|
Forseti lagði til að bæjarstjórn samþykkti framkvæmdina enda sé hún samræmi við landnotkun, byggðamynstur og þéttleika byggðar og að fullnægjandi grenndarkynning hafi þegar farið fram samkvæmt 2. og 3. málsgrein 44. greinar skipulagslaga númer 123/2010.
Forseti bar tillöguna upp til atkvæða.
Samþykkt með sjö atkvæðum. |
|
|
|
Skúli Ingólfsson vék af fundi undir þessum lið.
|
| 9. 202405073 - Byggingarleyfisumsókn - Horn 1 159500, viðbygging við veitingahús, ný gistiálma |
Fyrr á árinu sótti Litlahorn ehf. um leyfi til framkvæmda í landi Horn 1 til að reisa um það bil 80 fermetra viðbyggingu við veitingahús ásamt um það bil 140 fermetra gistiálmu. Þann 5. júní 2024 bókaði umhverfis- og skipulagsnefnd að uppbygging á svæðinu væri óheimil án deiliskipulagsgerðar og ekki væri hægt að nýta undanþáguákvæði 1. málsgreinar. 44. greinar skipulagslaga númer 123/2010 þar sem skilyrði þess um samræmi við aðalskipulag væru ekki fyrir hendi. Í kjölfarið hafa nokkur samskipti átt sér stað við umsækjanda, en í þeim kom meðal annars fram að vinna við gerð deiliskipulags væri hafin. Þann 16. júlí 2024 fór erindi umsækjanda fyrir bæjarráð sem afgreiddi málið fyrir hönd bæjarstjórnar. Í ljósi nýrra upplýsinga, þ.e. að landeigandi hefur hafið vinnu við deiliskipulag, heimilaði bæjarráð að veita mætti byggingarleyfi á grundvelli 1. málsgreinar. 44. greinar skipulagslaga. Umsækjandi taldi að ákvörðun sveitarfélagsins um að veita mætti byggingarleyfi gegn því skilyrði að hann geri deiliskipulag bryti í bága við 1. málsgrein 44. greinar skipulagslaga og kærði afgreiðslu bæjarráðs til úrskurðarnefndar umhverfis- og auðlindamála. Á meðan málið var til meðferðar hjá ÚUA fékk umsækjandi byggingarleyfi þann 3. september 2024 en tveimur dögum seinna var framkvæmd lokaúttekt. Í kærumáli númer 69/2024 komst úrskurðarnefnd að þeirri niðurstöðu að þrátt fyrir að vinna við deiliskipulag væri hafin, hefðu skilyrði 1. málsgreinar 44. greinar skipulagslaga ekki verið uppfyllt. Í aðalskipulagi er sérstaklega tekið fram að uppbygging á reit VÞ 36, Horn, sé heimil samkvæmt deiliskipulagi, en þegar ákvörðun bæjarráðs um að veita mætti byggingarleyfi til handa kæranda var tekin, var einungis vinna hafin við deiliskipulag svæðisins. Niðurstaða nefndarinnar var að fella úr gildi ákvörðun bæjarráðs frá 16. júlí 2024 og því þarf sveitarfélagið að taka nýja ákvörðun í erindi umsækjanda.
Ásgerður Kristín Gylfadóttir tók til máls.
Mál tekið fyrir á mínútu 35:40 í upptöku.
|
Allar upplýsingar um málið eru þegar fyrir hendi. Samkvæmt gildandi aðalskipulagi skal uppbygging á umræddu svæði vera heimil samkvæmt deiliskipulagi. Frekari uppbygging á svæðinu er því óheimil án deiliskipulagsgerðar og undanþáguákvæði í 1. málsgrein 44. greinar skipulagslaga númer 123/2010 á ekki við, þar sem skilyrði til beitingu þess um samræmi við aðalskipulag eru ekki uppfyllt.
Ásgerður Kristín Gylfadóttir tók til máls.
Í samræmi við úrskurð úrskurðarnefndar umhverfis- og auðlindamála í máli nr. 69/2024 leggur forseti til að bæjarstjórn synji beiðni um heimild til að veita byggingarleyfi fyrir uppbyggingu að Horni sem tekin var fyrir á fundi bæjarráðs 16. júlí sl. Byggingafulltrúi vinnur málið áfram í samræmi við framangreint.
Forseti ber tillöguna upp til atkvæða.
Samþykkt með sex atkvæðum.
|
|
|
|
| 10. 202409105 - Umsókn um framkvæmdarleyfi - Fjárhúsavík, efnistaka fyrir afmörkun tippsvæðis |
Sveitarfélagið Hornafjörður sækir hér með um framkvæmdarleyfi. Fyrirhugað er að afmarka tippsvæði við Sílavík með lágum grjótgarði ca. 170m að lengd, m.a. til að koma í vegg fyrir dreifingu efnis inn í víkina. Grjót verður sótt úr námi í Fjárhúsavík, svæði E86 í aðalskipulagi Hornafjarðar og gera má ráð fyrir um 150-300 m³ efnistöku.
Mál tekið fyrir á mínútu 1:08:30 í upptöku.
|
Forseti lagði til að bæjarstjórn samþykkti að veita framkvæmdarleyfi í samræmi við 13. grein skipulagslaga númer 123/2010.
Tillagan borin upp til atkvæða.
Samþykkt með sjö atkvæðum.
|
|
|
|
| 11. 202410049 - Umsókn um lóð - Hafnarbraut 13 |
Umsókn frá Reyni Ásgeirssyni um lóð á Hafnarbraut 13.
Mál tekið fyrir á mínútu 1:09:35 í upptöku.
|
Forseti lagði til að bæjarstjórn samþykkti lóðarúthlutunina.
Tillagan borin upp til atkvæða.
Samþykkt með sjö atkvæðum. |
|
|
|
| 12. 202408077 - Landeignaskrá Breiðabólsstaður 1 - útskipting 5 landeigna |
Eigendur Breiðabólsstaðar 1 óska eftir stofnun 5 lóða úr jörðinni í samræmi við framlagða merkjalýsingu. Skipting er í samræmi við deiliskipulag fyrir svæðið.
Mál tekið fyrir á mínútu 1:10:05 í upptöku.
|
Bæjarstjórn gerir ekki atugasemdir við merkjalýsingu, enda samræmist hún skipulagsáætlunum, og tekur undir með umhverfis- og skipulagsnefnd að stofnun lóðanna hafa ekki áhrif á búrekstrarskilyrði jarðarinnar, samanber 6. grein jarðalaga númer 81/2004.
Forseti ber erindið upp til atkvæða.
Samþykkt með sjö atkvæðum. |
|
|
|
| 13. 202409036 - Reglur um notendasamninga við fatlað fólk og forsjáraðila fatlaðra barna |
Lögð er fram tillaga að reglum um notendasamninga við fatlað fólk og forsjáraðila fatlaðra barna í Sveitarfélaginu Hornafirði. Notendasamningar fela í sér að notandi stjórnar þeirri aðstoð sem hann á rétt á samkvæmt mati, skipuleggur hana, ákveður hvenær og hvar hún er veitt og velur aðstoðarfólk. Samkvæmt 10. grein laga um þjónustu við fatlað fólk með langvarandi stuðningsþarfir númer 38/2018 með síðari breytingum, er einstaklingi heimilt að sækja um notendasamning við sveitarfélagið um þjónustuform og fyrirkomulag stuðnings eða aðstoðar. Markmið notendasamnings er að auka val einstaklinga um þjónustuform og fyrirkomulag stuðnings eða aðstoðar, að undangengnu faglegu mati.
Mál tekið fyrir á mínútu 1:11:00 í upptöku.
|
Forseti bar reglurnar upp til samþykktar.
Samþykkt með sjö atkvæðum. |
|
|
|
| 14. 202409038 - Endurskoðun reglna um fjárhagsaðstoð |
Lögð er fram tillaga að uppfærðum reglum um fjárhagsaðstoð í Sveitarfélaginu Hornafirði. Núverandi reglur tóku gildi árið 2016 og því mikilvægt að uppfæra þær til dæmis með tilliti til þeirra laga og reglugerðabreytinga sem hafa átt sér stað í samfélaginu á þeim tíma, sem og aðlaga þær að núverandi skipuriti velferðarsviðs.
Mál tekið fyrir á mínútu 1:12:15 í upptöku.
|
Forseti bar reglurnar upp til samþykktar.
Samþykkt með sjö atkvæðum. |
|
|
|
| 15. 202409062 - Reglur um heimild til fjarveru vegna veikinda náinna fjölskyldumeðlima |
Minnisblað sviðsstjóra stjórnsýslusviðs um reglu vegna heimildar starfsfólks til að nýta veikindarétt sinn í tengslum við veikindi nákominna lagt fram til upplýsinga.
Bæjarstjórn hefur þegar samþykkt regluna í tölvupósti og reglan þegar tekin í gildi.
Mál tekið fyrir á mínútu 1:13:00 í upptöku.
|
Samþykkt samhljóða í gegnum tölvupóst.
Lagt fram til kynningar. |
|
|
|
| 16. 202408049 - Reglur um námsvist utan lögheimilissveitarfélags |
Reglur um námsvist utan lögheimilissveitarfélags hafa verið endurskoðaðar og eru þær lagðar fram til samþykktar óbreyttar.
Mál tekið fyrir á mínútu 1:13:55 í upptöku.
|
Forseti lagði til að bæjarstjórn samþykkti reglur um námsvist utan lögheimilissveitarfélags óbreyttar.
Tillagan borin upp til atkvæða.
Samþykkt með sjö atkvæðum. |
|
|
|
| 17. 202409083 - Álagningarreglur 2025 |
Tillaga að álagningarreglum fyrir árið 2025.
Útsvar 14,74%
Fasteignaskattur á íbúðarhúsnæði 0,37% af fasteignamati (óbreytt)
Fasteignaskattur á opinb. húsnæði 1,32% (óbreytt)
Fasteignaskattur á atvinnuhúsnæði 1,65% af fasteignamati (óbreytt)
Lóðarleiga 1% af lóðamati
Holræsagjald samkvæmt gjaldskrá (óbreytt)
Vatnsgjald samkvæmt gjaldskrá (óbreytt)
Sorpgjöld samkvæmt gjaldskrá (óbreytt)
Mál tekið fyrir á mínútu 1:14:30 í upptöku.
|
Málinu er frestað til næsta fundar.
Samþykkt samhljóða. |
|
|
|
| 18. 202407038 - Kosning í nefndir |
Framsókn óskar eftir að Pedro Ribeiro taki sæti sem varamaður í fjölmenningarráði í stað Robertas Freidgeimas.
Mál tekið fyrir á mínútu 1:25:50 í upptöku.
|
Forseti lagði til að bæjarstjórn samþykkti að Pedro Ribeiro taki sæti sem varamaður í fjölmenningarráði í stað Robertas Freidgeimas.
Forseti bar tillöguna upp til atkvæða.
Samþykkt með sjö atkvæðum. |
|
|
|
| 19. 202402100 - Fundartími bæjarstjórnar |
Samkvæmt 3. málsgrein 62. greinar sveitarstjórnarlaga skal leggja tillögu um fjárhagsáætlun fyrir sveitarstjórn eigi síðar en 1. nóvember ár hvert. Forseti leggur til að bæjarstjórn komi saman til fundar þann 29. október 2024 klukkan 12:00, vegna fyrri umræðu bæjarstjórnar um fjárhagsáætlun.
|
| Málið var tekið af dagskrá. Samþykkt samhljóða. |
|
|
|
