| Atvinnu- og menningarmálanefnd - 77 |
Haldinn í ráðhúsi,
25.06.2025 og hófst hann kl. 16:00 |
|
Fundinn sátu: Hjördís Edda Olgeirsdóttir aðalmaður,
Sigríður Þórunn Þorvarðardóttir aðalmaður,
Steindór Sigurjónsson aðalmaður,
Gunnar Ásgeirsson aðalmaður,
Sigrún Sigurgeirsdóttir formaður,
Selma Ýr Ívarsdóttir Fulltrúi ungmennaráðs,
Kristín Vala Þrastardóttir Menningarmiðstöð. |
|
Fundargerð ritaði: Kristín Vala Þrastardóttir, Forstöðumaður Menningarmiðstöðvar |
|
|
|
|
|
Dagskrá: |
|
|
|
| 1. 202003090 - Vatnajökulsþjóðgarður - fundargerðir stjórnar og svæðisráðs |
Engar nýjar fundargerðir svæðisráðs Suðursvæðis hafa verið birtar frá síðasta fundi nefndar.
Sunnudaginn 6. júlí kl. 16 opnar alþjóðlega myndlistarsýningin ECHOES OF ICE í Skaftafellsstofu þar sem rúmlega 30 myndlistarmenn og rannsakendur koma saman í tilefni þess að Sameinuðu þjóðirnar hafa tileinkað jöklum í heiminum árið 2025. Sýningin er tvískipt og fer annars vegar fram í Skaftafelli en hins vegar á vefsíðu verkefnisins.
Sýningin verður opin út september.
Ókeypis aðgangur og öll velkomin!
|
| Lagt fram til kynningar. |
| 207.fundur svæðisstjórnar Vatnajökulsþjóðgarðs.pdf |
| 208.fundur svæðisstjórnar Vatnajökulsþjóðgarðs.pdf |
|
|
|
|
|
| 2. 202505128 - Kynningarfundur byggðastofnunnar |
Byggðastofnun heimsótti Hornafjörð og kynnti starfsemi sína, forstöðumaður fer yfir efni fundarins.
|
Nefndin þakkar fyrir kynninguna.
Nefndin vill vekja athygli á lánum sem Byggðastofnun veitir til ýmissa verkefna í atvinnulífinu en hægt er að sjá ýmsar upplýsingar á heimasíðu þeirra, www.byggdastofnun.is |
| Sveitarfélagið Hornafjörður-byggðastofnun-kynning.pdf |
|
|
|
| 3. 202506078 - Kvennaár 2025 |
Til að fylgja eftir Kvennaverkfallinu 2023 hafa á sjötta tug samtaka femínista, kvenna, launafólks, fatlaðs fólks og hinsegin fólks tekið höndum saman og boðað Kvennaár 2025 til að flétta saman baráttuna fyrir jafnrétti með fjölbreyttri dagskrá. Í ár eru liðin 50 ár frá því að konur hér á landi lögðu niður launuð sem ólaunuð störf sín og stöðvuðu þannig samfélagið þann 24. október.
Kvennaár býður upp á viðburði þar sem konur og kvár koma saman - en það gera líka fleiri aðilar; aðstandendur Kvennaárs, önnur félagasamtök og stofnanir.
Bókasafnið okkar er þátttakandi í samstarfsverkefni sem ber titilinn "Læsi á stöðu og baráttu kvenna" og snýst um þessa merku sögu. Boðið verður uppá viðburð í Hornafirði samhliða öðrum viðburðum á landsvísu vikuna 17. - 24. október.
|
| Nefndin hvetur fólk til að mæta á viðburði bókasafnsins í haust og bendir á að ef fleiri vilja halda viðburði í tilefni ársins þá er hægt að skrá þá á heimasíðu verkefnisins, kvennaar.is |
|
|
|
| 4. 202502071 - Humarhátíð 2025 |
Humarhátíðarnefnd hefur sett saman glæsilega dagskrá.
|
Nefndin þakkar Humarhátíðarnefnd fyrir vandaða dagskrá og vel unnin störf í þágu samfélagsins hér í Hornafirði.
Hvetjum öll til að taka þátt í hátíðarhöldunum. |
| Humarhátíð ''25-uppfært skjal.pdf |
|
|
|
| 5. 202505023 - Graffíll |
Sigurður Pálmi Hafþórrsson fulltrúi Graffíls - listahátíðar ungs fólks kynnir skipulagsstarfið sem unnið hefur verið og áætlaða dagskrá hátíðarinnar.
|
Nefndin þakkar fyrir kynninguna og óskar unga fólkinu í sveitarfélaginu til hamingju með Graffíl og hvetur alla til að taka þátt og mæta á hátíðina.
Á heimasíðu verkefnisins, www.graffill.com, getur ungt skráð sig til þátttöku með list sinni. Öll velkomin á Graffíl 18.-20. júlí næstkomandi. |
| GRAFFÍLL.pdf |
|
| |
| Gestir |
| Sigurður Pálmi Hafþórsson |
|
|
| 6. 202409071 - Menningarmiðstöð |
Forstöðumaður segir frá starfi Menningarmiðstöðvarinnar um þessi misserin.
Opnun sýningarinnar "Visual Resonance / Sjónræn ómun" á Svavarssafni og humarhátíðarsúpa á föstudaginn 27. júní.
Á sýningunni takast fjórir Hollands-tengdir listamenn á við sérkenni í náttúru og vistkerfi svæðisins, svo og menningararfinn í safneign Svavarssafns.
Þrír af fjórum listamönnum sýningarinnar eru nú á Höfn að setja upp verkin og verða viðstaddir opnun, munu fjalla stuttlega um list sína og taka á móti gestum á föstudaginn kl.16:30. Listamennirnir eru Pietjerte van Splunter, Zeger Reyers og Thom Vink en einnig á Mekhlla Harrison verk á sýningunni.
Mikil áhersla á uppbyggingu starfsins í Gömlubúð.
- um 80 gestir á dag að meðaltali, yfir 100 gestir 30% daganna
- Hornfirskir tónlistarmenn bjóða upp á lifandi tónlist í Gömlubúð á miðvikudögum í sumar og hefur reynst mjög vel.
- Höfum fengið mikla aðstoð frá fyrri safnverði, Birni Arnarsyni, vegna sýningu muna í Gömlubúð.
Barnastarf gengur vel og verður áfram alla þriðjudaga út júlí. Um 30 börn taka þátt í hverri viku. Í gær, þriðjudaginn 24.júní var humarhátíðarföndur á bókasafninu. Skráning er til hádegis á mánudögum. Næstu ferðir eru:
1. júlí fuglaskoðun í Óslandi með Birni Arnarsyni
8. júlí siglt út í Mikley
15. júlí gönguferð og barna yoga með Huldu Laxdal
22. júlí pottaferð í Hoffell
29. júlí loka-óvissuferð
Kvískerjasjóður
Skrifað hefur verið undir tvo styrki frá Kvískerjasjóði, annars vegar vegna skráningu gagna Hálfdáns Björnssonar á miðlunarvef Héraðsskjalasafnsins og hinsvegar vegna fyrirhugaðrar sýningar um Kvísker sem sett verður upp í Gömlubúð. Verklok verkefnanna tveggja miðast við 100 ára afmælisdag Hálfdáns þann 14. mars 2027.
|
Nefndin þakkar fyrir kynninguna.
Nefndin vill einnig óska Alberti Eymundssyni til hamingju með fálkaorðuna sem hann hlaut þann 17. júní síðastliðinn fyrir framlag til mennta-, íþrótta- og ungmennafélagsstarfa í heimabyggð. |
|
|
|
|
|
Fleira ekki gert. Fundi slitið kl. 18:00 |
|
