Samanburður á úrslitum skuggakosninga ungmenna og sveitarstjórnarkosninga
Skuggakosning fór fram samhliða sveitarstjórnarkosningum í Sveitarfélaginu Hornafirði, kosið var í öllum kjördeildum í sveitarfélaginu. Ungmennaráð sveitarfélagsins stóð fyrir kosningunni líkt og í síðustu forsetakosningum.
Ágæt kosningaþátttaka var meðal unga fólksins eða 53,42% og virðist sem þau kjósi frekar á kjörstað samhliða foreldrum sínum miðað við þátttöku í skuggakosningum framhaldskólanna sem haldnar voru í framhaldsskólum landsins en þar var meðaltals kjörsókn 35,28%. 146 voru á kjörskrá í Sveitarfélaginu Hornafirði á aldrinum 13-17 ára.
Samanburður á skuggakosningum og almennu kosningum til sveitarstjórna.
| Flokkur | Atkv. Skugga. | Fulltrúar | Atkv. almennra kosninga | % | Fulltrúar |
| B – listi Framsóknarmanna | 49,33% | 4 | 643 | 55,7 | 4 |
| D – listi Sjálfstæðismanna | 33,33% | 2 | 343 | 29,7 | 2 |
| E – listi 3 Framboðsins | 17,33% | 1 | 169 | 14,6 | 1 |
| Bæjarfulltrúar ungmennaráðs | Bæjarfulltrúar skv. úrslitum kosninga |
| 1. Ásgerður K. Gylfadóttir B | 1. Ásgerður K. Gylfadóttir B |
| 2. Björn Ingi Jónsson D | 2. Björn Ingi Jónsson D |
| 3. Ásgrímur Ingólfsson B | 3. Ásgrímur Ingólfsson B |
| 4. Erla Þórhallsdóttir B | 4. Erla Þórhallsdóttir B |
| 5. Guðbjörg Lára Sigurðardóttir D | 5. Guðbjörg Lára Sigurðardóttir D |
| 6. Sæmundur Helgason E | 6. Sæmundur Helgason E |
| 7. Björgvin Óskar Sigurjónsson B | 7. Björgvin Óskar Sigurjónsson B |
Kosningaþátttaka í Sveitarstjórnarkosningunum var 78,6% og var um það rætt á kjörstöðum hve margir af ungu kynslóðinni komu til að kjósa sem höfðu aldur til. Talið er að það tengdist því að yngra fólkið tók þátt í skuggakosningum samhliða Forsetakosningum árið 2016. Það sýnir að það er líklegt að þátttaka í skuggakosningum getur leitt til frekari kjörsóknar. Við höldum okkur bara við þá útskýringu í bili að minnsta kosti.
Ekki er mikill munur á niðurstöðum skuggakosninganna og sveitarstjórnarkosninganna en þó einhver prósentulega séð. Sama forrit var notað til útreikninga til að fá sömu niðurstöður sbr. röðun fulltrúa eftir atkvæðum ofl.