Útboð á rekstri tjaldsvæðis Höfn
Bæjarráð Hornafjarðar hefur ákveðið að auglýsa rekstur og uppbyggingu við tjaldsvæði á Höfn laust til umsóknar með fyrirvara um samþykki Skipulagsstofnunar á deiliskipulagi við tjaldsvæði. Um er að ræða nýtingarleyfi frá 1. janúar 2017 til 1. janúar 2032.
Leyfishafa verður heimilt að byggja á svæðinu samkvæmt skipulagi. Öll uppbygging á svæðinu er á kostnað og ábyrgð leyfishafa.
Með tilboði skal fylgja greinargerð varðandi uppbyggingu og rekstrarfyrirkomulag. Skilmálar sem einkum verður litið til við ákvörðun um leyfisveitingu á umræddu svæði eru eftirfarandi:
-
Hvernig viðkomandi hyggst nýta skipulagsreit í þeim tilgangi að hafa þar starfsemi fyrir ferðamenn
-
Framkvæmdaáætlun um uppbyggingu á svæðinu
-
Áform um þjónustu á svæðinu
-
Gjald fyrir nýtingarleyfi
-
Vetrarþjónusta
-
Reynsla og þekking viðkomandi aðila af ferðaþjónustu
-
Samstarf við Sveitarfélagið Hornafjörð vegna sérstakra viðburða. Má þar nefna árlega Humarhátíð og Unglingalandsmót UMFÍ á 5-6 ára fresti.
Athugið að vægi skilmálanna er óháð röðun þeirra.
Áhugasamir aðilar vinsamlegast skilið inn umsókn til bæjarráðs Hornafjarðar, Hafnarbraut 27, 780 Hornafirði, eigi síðar en kl. 12 á hádegi þann 20. janúar 2017. Sveitarfélagið áskilur sér rétt til að taka hvaða tilboði sem er á grunni greinargerðar eða hafna öllum.
Umsækjendur geta nálgast frekari upplýsingar um nýtingarleyfið í Ráðhúsinu á Höfn í síma 470-8000 eða sent fyrirspurn á netfangið ardis@hornafjordur.is
Bæjarráð Hornafjarðar