Aðventuhátíð Sveitarfélagsins Hornafjarðar 2025
Sveitarfélagið Hornafjörður býður bæjarbúum og gestum hjartanlega velkomin á árlega Aðventuhátíðina laugardaginn 29. nóvember 2025. Hátíðin markar upphaf aðventunnar og boðið verður upp á fjölbreytta dagskrá bæði í Nýheimum og á hátíðarsvæði.
Aðventuhátíð í
Nýheimum, kl. 14:00–17:00
Í Nýheimum verður
líf og fjör en hér að neðan er hægt að sjá það sem verður í boði fyrir alla
aldurshópa.
- Jólamarkaður með yfir 20 fjölbreyttum söluaðilum sem bjóða upp á handverk, jólagjafahugmyndir og heimagerðar kræsingar.
- Jólakaffihús NemFAS sem býður upp á ljúffengar veitingar í anda hátíðarinnar.
- Nemendur í Tónskóla Hornafjarðar spila jólalög.
- Jólaföndur á bókasafninu þar sem gestir geta föndrað úr gömlum bókum og þannig gefið þeim nýtt líf, auk þess að perla íslensku jólasveinana.
- Jólasveinarnir mæta í heimsókn kl. 15:00 og 16:00 til að gleðja börn og fullorðna.
- Jólabókaflóðið stendur sem hæst og mörg spennandi ný íslensk bókaverk bíða lesenda á bókasafninu.
Tendrun jólatrés, kl. 17:00
Að lokinni dagskrá í Nýheimum flyst hátíðin yfir á útisvið.
- Nemendur úr 6.–10. bekk Grunnskóla Hornafjarðar flytja tvö falleg jólalög undir stjórn Björg Blöndal, tónlistarkennara við Tónskóla Hornafjarðar.
- Sigurjón bæjarstjóri flytur ávarp.
- Nemandi í 1.bekk Grunnskóla Hornafjarðar tendrar jólatréð.
- Nemendur úr 6.–10. bekk Grunnskóla Hornafjarðar flytja annað lag.
Hátíð endar!
Tengill á Facebook Event
Sveitarfélagið Hornafjörður hlakkar til að eiga hlýlega og gleðilega jólastund
með íbúum og gestum á laugardaginn og hvetur alla til að mæta og taka þátt í
að skapa notalega aðventustemningu í samfélaginu.