Nýjar víddir í kortasjá Hornafjarðar: Tímaflakk, 3D módel og skipulagsmál
Kortasjá sveitarfélagsins hefur verið uppfærð með fjölmörgum áhugaverðum nýjungum sem auðvelda íbúum að nálgast upplýsingar og skoða umhverfi sitt frá nýju sjónarhorni.
Helstu nýjungar:
- Tímaflakk loftmynda - nú er hægt að skoða loftmyndir frá mismunandi árum og bera þær saman. Þetta er einstakt tækifæri til að sjá hvernig byggðin og náttúran hafa breyst í gegnum tíðina.
- Þrívíddarlíkan og punktaský - hægt er að skoða svæðið í þrívídd (3D). Auk hefðbundins líkans er hægt að skoða þéttbýlið í formi punktaskýjar, sem gefur mjög nákvæma mynd af landslagi og mannvirkjum.
- Skipulagsgátt - bein tenging er nú við skipulagsgáttina. Íbúar geta því séð skipulagsmál sem eru í kynningu eða vinnslu beint í kortasjánni.
- Umferðarslys og óhöpp - til að auka gagnsæi og öryggi er nú hægt að skoða staðsetningar og stuttar lýsingar á umferðarslysum og óhöppum á svæðinu.
- Framkvæmdir og umferðartruflanir - nú er
auðveldara en áður að fylgjast með bæjarbragnum. Í kortasjánni má sjá:
- Verkefni á samþykktri framkvæmdaráætlun.
- Upplýsingar um hvar vænta má truflana á umferð vegna framkvæmda hverju sinni.
Við hvetjum alla til að kynna sér þessi nýju verkfæri á https://www.map.is/hofn/