Laugardaginn 15. apríl nk. verður lifandi laugardagur í Sveitarfélaginu Hornafirði í tengslum við heildarstefnu Hornfirðinga; Hornafjörður, náttúrulega!Að þessu sinni er áherslan á umhverfis- og loftlagsmál en sú stoð stefnunnar er áhersla apríl mánaðar.

Fimm sveitarfélög taka þátt í tilraunaverkefni sem miðar að því að aðstoða íslensk sveitarfélög í þeirri vinnu sem fram undan er við að greina áhrif og afleiðingar loftslagsbreytinga og móta aðgerðir til aðlögunar. Þannig verði sveitarfélögum færðir skýrari ferlar og aðferðir sem gera þeim kleift að búa sig undir möguleg áhrif loftslagsbreytinga á innviði, atvinnugreinar, efnahag og samfélög. Sveitarfélögin sem um ræðir eru Akureyrarbær, Sveitarfélagið Hornafjörður, Fjallabyggð, Reykhólahreppur og Reykjanesbær.

Í Sveitarfélaginu Hornafirði býr fjölbreyttur hópur fólks. Í næstu viku ætlum við að skoða hver fjölbreytileikinn raunverulega er og vekja jákvæða og uppbyggilega athygli á honum.

Í aðdraganda viku fjölbreytileikans ætlar Menningarmiðstöðin að safna ljósmyndum af okkar fjölbreytta fólki. Í tilefni þess bjóðumvið til myndatöku á Bókasafninu 20. - 24. mars á opnunartíma safnsins. 

Gamlabúð er vel staðsett við hið líflega hafnarsvæði á Höfn og er eitt sögufrægasta hús Hornafjarðar. Það var upphaflega byggt árið 1864 við Papós í Lóni en síðar flutt til Hafnar.

Næsti bæjarstjónarfundur verður haldinn þann 8. mars kl. 16:00 beint streymi verður af fundinum á youtube rás sveitarfélagsins. 

Menningarhátíð sveitarfélagsins verður haldinn föstudaginn 10. mars kl. 17:00 íbúar eru hvattir til þess að mæta, tónlistaratriði verður flutt af stúlknahljómsveitinni Fokus sem hita upp fyrir Blúshátíð.