Undanfarna daga hefur skapast nokkur umræða um áform Bláa Lónsins um áframhaldandi uppbyggingu í Hoffelli í Nesjum hér í Hornafirði. Það er eðlilegt að verkefnið veki athygli og jafnvel áhyggjur, enda er svæðið við Hoffell mikil náttúruperla.

Aðalskipulagstillaga á vinnslustigi var kynnt í Skipulagsgátt í byrjun júní 2025 og var umsagnarfrestur til 20. ágúst. Umhverfis- og skipulagsnefnd fór yfir þær umsagnir sem bárust og samþykkti á fundi sínum þann 1. október sl. viðbrögð við þeim.

Heitavatnslaust verður í hluta Hafnar þann 5.11.2025 frá kl 10:00 til kl 16:00 vegna vinnu við dreifikerfið. Nánari upplýsingar veitir stjórnstöð í síma 5289000. Kort af svæðinu má sjá á www.rarik.is/rof

Fyrsta sumarið eftir að Gamlubúð opnaði aftur hefur lífið í húsinu verið viðburðaríkt og líflegt. Gamlubúð hefur sannað gildi sitt sem menningarhús þar sem bæði heimamenn og gestir hafa notið fjölbreyttrar dagskrár og hlýlegs andrúmslofts.

Sögulegur áfangi náðist á ársþingi samtaka sveitarfélaga á Suðurlandi (SASS) en öll 15 sveitarfélögin í landshlutanum ásamt öllum þjónustuveitendum sem vinna að málefnum barna á Suðurlandi undirrituðu samstarfsyfirlýsingu um stofnun Farsældarráðs Suðurlands. Þetta er í fyrsta sinn sem öll sveitarfélögin sameinast með þessum hætti um að setja velferð barna í forgang.

Þann 1. nóvember mun sveitarfélagið takmarka aðgengi að Fjárhúsavík.

Síðastliðinn mánudag, 20. október, stóð Bókasafn Menningarmiðstöðvar Hornafjarðar fyrir málþingi í Grunnskóla Hornafjarðar fyrir alla nemendur í 9. og 10. bekk. Tilefnið var að föstudaginn 24. október eru 50 ár liðin frá því að konur gengu út frá störfum sínum og börðust fyrir jafnrétti.

Það hefur mikið verið rætt og ritað um byggingu nýs hjúkrunarheimilis hér á Höfn, en framkvæmdir við nýbyggingu og endurbætur á eldra húsnæði Skjólgarðs hafa tafist mikið. Verkið hefur verið umfangsmikið og krefjandi, bæði fyrir þá sem að framkvæmdinni hafa komið og ekki síður fyrir heimilisfólk og starfsfólk á Skjólgarði, sem hefur þurft að búa við óvissu um framkvæmdalok og skertan aðbúnað á meðan framkvæmdir hafa staðið yfir.

Í tilefni Kvennafrídagsins, sem haldinn verður föstudaginn 24. október, munu nokkrar stofnanir sveitarfélagsins breyta opnunartíma sínum til að sýna samstöðu með verkefninu. Hér fyrir neðan má sjá breytta opnunartíma.